Gürcüstanda Dövlət Sərhəd Xidməti polis idarəsinin və Milli Təhlükəsizlik Xidmətinin əks-kəşfiyyat idarəsinin rəhbərləri azərbaycanlı jurnalist Əfqan Muxtarlının işi ilə bağlı vəzifələrindən kənarlaşdırılıblar.

Bu haqda Gürcüstanın Rustavi2 telekanalı məlumat yayıb.

Məlumatda qeyd edilir ki, iki önəmli fiqurun istefaya göndərildiyini Gürcüstanın daxili işlər naziriGeorqi Mqebrişvilijurnalistlər üçün brifinqdə açıqlayıb.

Nazir bildirib ki, qərar Əfqan Muxtarlı ilə bağlı araşdırma başa çatanadək qüvvəsində qalacaq: "İctimaiyyətdə istintaqın obyektivliyi ilə bağlı hər hansı tərəddüd olmamalıdır. Ona görə də qərara gəldik ki, sərhəd xidmətinə və əks-kəşfiyyata cavabdeh olan şəxsləri istintaq gedən müddətdə işdən uzaqlaşdıraq. Biz əməkdaşlarımızın bu işdə iştirakının olmadığına əminik. Amma istintaq hər hansı versiyanı istisna etmir. İstənilən halda sərhəd qaydaları müəmmalı şəkildə pozulub. Ona görə də belə bir qərar qəbul olundu. Həmin məmurların müvəqqəti uzaqlaşdırılması bu işdə əsassız yozumlara yol açılmaması üçün çox mühüm addımdır”.

Əfqan Muxtarlının xanımı Leyla Mustafayeva "Basta”nın sualına cavab olaraq qeyd edib ki, idarə rəislərinin istefaya göndərilməsi müvəqqəti xarakter daşıyır.

"Bu qərardan dərhal sonra Əfqan Muxtarlı ilə bağlı işin araşdırılmasını Gürcüstan Prokurorluğu öz üzərinə götürüb. Lakin gərək araşdırmanı əvvəldən prokurorluq aparaydı. Əfqan Muxtarlının oğurlanması ilə bağlı bir çox izlər silinib”, – Leyla Mustafayeva bildirib.

Qeyd edək ki, Əfqan Muxtarlı mayın 30-da Azərbaycanda həbs olunub. O, öz ifadəsində mayın 29-da Tbilisi şəhərində oğurlandığını bildirib.//bastainfo.com

 

Sayt haqqında

"Kütləvi informasiya vasitələri haqqında Azərbaycan Respublikasının Qanunu"na əsasən KİV qanunla qadağan olunmuş mənbələr istisna olmaqla, istənilən vəsaitlər hesabına maliyyələşdirilə bilər (Maddə 6-1), KİV üzərində dövlət senzurasına, habelə bu məqsədlə xüsusi dövlət orqanlarının və ya vəzifələrin yaradılmasına və maliyyələşdirilməsinə yol verilmir (Maddə 7), KİV cəmiyyətdəki iqtisadi, siyasi, ictimai və sosial durum haqqında, dövlət orqanlarının, bələdiyyələrin, idarə, müəssisə və təşkilatların, ictimai birliklərin, siyasi partiyaların, vəzifəli şəxslərin fəaliyyəti barədə operativ və doğru-dürüst məlumatlar almaq hüququna malikdirlər (Maddə 8)

ULU YOL xəbər agentliyi 2015
Təsisçi və Baş redaktor:   Saday Fərəcov
Tel:                    +994 70 215 78 15
E mail:                    uluyol.info@mail.ru
Hazırladı: Vüsal Əli

Fatal error: [] operator not supported for strings in /home/uluyol/public_html/index.php on line 300