Bu gün Avropa çempionatında ikinci finalçının adına aydınlıq gələcək.

 

Turnirin favoritləri - meydan sahibi Fransa və Almaniya həlledici oyuna vəsiqə uğrunda mübarizə aparacaqlar.

 

1/4 finalda İtaliyanı mübarizədən kənarlaşdıran Almaniya meydan sahiblərinə də eyni kədəri yaşatmaq niyyətindədi. Ancaq "skuadra adzurra" ilə oyun almanlara bir neçə itki verib. Belə ki, Mats Hummels italyanlarla oyunda aldığı sarı vərəqəyə, Sami Kxedira və Mario Qomes isə zədəyə görə fransızlarla oyunu buraxmalı olacaq.

 

Yoahim Lövdən fərqli olaraq, Fransa millisinin çalışdırıcısı Didye Deşamın heyətlə bağlı heç bir problemi yoxdu. 1/4 finalda İslandiyanı rahatlıqla mübarizədən kənarlaşdıraraq (5:2) gücünə qənaət edən "xoruzlar", evdə təşkil edilən qitə birinciliyində finala vəsiqə qazanmaq fürsətini əldən vermək niyyətində deyil.
Bu cütün qalibi həlledici oyunda dünən Uelsi mübarizədən kənarlaşdıran (2:0) Portuqaliya ilə qarşılaşacaq.

 

AÇ-2016, yarımfinal

7 iyul

23:00 Almaniya - Fransa 
Baş hakim: Nikola Ritsoli 
Köməkçi hakimlər: Elenito di Liberatore, Mauro Tonolini 
Əlavə köməkçi hakimlər: Daniele Orsato, Antonio Damato (hamısı İtaliya) 
Dördüncü hakim: Damir Skomina (Sloveniya) 
Ehtiyat yan xətt hakimi: Yure Praprotnik (Sloveniya) 
Yer: Marsel. "Velodrom” stadionu

 

(publika.az)

Sayt haqqında

"Kütləvi informasiya vasitələri haqqında Azərbaycan Respublikasının Qanunu"na əsasən KİV qanunla qadağan olunmuş mənbələr istisna olmaqla, istənilən vəsaitlər hesabına maliyyələşdirilə bilər (Maddə 6-1), KİV üzərində dövlət senzurasına, habelə bu məqsədlə xüsusi dövlət orqanlarının və ya vəzifələrin yaradılmasına və maliyyələşdirilməsinə yol verilmir (Maddə 7), KİV cəmiyyətdəki iqtisadi, siyasi, ictimai və sosial durum haqqında, dövlət orqanlarının, bələdiyyələrin, idarə, müəssisə və təşkilatların, ictimai birliklərin, siyasi partiyaların, vəzifəli şəxslərin fəaliyyəti barədə operativ və doğru-dürüst məlumatlar almaq hüququna malikdirlər (Maddə 8)

ULU YOL xəbər agentliyi 2015
Təsisçi və Baş redaktor:   Saday Fərəcov
Tel:                    +994 70 215 78 15
E mail:                    uluyol.info@mail.ru
Hazırladı: Vüsal Əli

Fatal error: [] operator not supported for strings in /home/uluyol/public_html/index.php on line 300