Şəhərin mərkəzində hər an uçma təhlükəsi olan evlər -Fotoreportaj

 

Bakı tarix boyu öz fərqliliyi ilə seçilib. Bir tərəfində alçaq, köhnə, ensiz küçələr digər tərəfdən isə müasir hündür mərtəbəli binalar bir birini əvəz edir. Son dönəmlər köhnə dediyimiz küçələr və tikililər də demək olar ki, gözə dəymir. Çünki artıq bir çoxları ya tamamilə bərpa edilib ya da üz fasadı dəyişdirilərək müasir vəziyyətə gətirilib. Bu da yerli və bura gələn turistlərin diqqətini çəkir.

Lakin, bərpa olunan, müasir binaların, tikililərin arasında bəzən yaradıldığı gündən bu günə kimi gəlib çıxan yararsız, az qala uçub dağılacaq vəziyyətində olan evlərə də rast gəlirik. Fotolardan da gördüyünüz kimi bu tikililər hansısa ucqar kənddə deyil, məhz şəhərin ən gur məskunlaşan, hərəkətin sıx olan mərkəzi küçələrində çəkilib.

Bu cür tikililər nəinki şəhərin görüntüsünü pozur, eyni zamanda insanlar üçün təhlükə mənbəyinə çevrilib. Ən təhlükəliləri isə eyvanı şəhərə açılan evlərdir. Evlərin divarları uzun zamandır baxımsızlıqdan yararsız hala düşüb, şüşələri sınmış, eyvanlarının döşəməsindəki taxtalar isə artıq çürüyüb və hər an ayaq basılsa uçub dağılacaq dərəcədədir.

Bu eyvanların altından hər gün yüzlərlə, minlərlə insan hərəkət edir. Digər qorxulu bir məqam isə dükanların, dönərxanaların və digər obyektlərin də burada fəaliyyət göstərməsidir.

Ümid edirik ki, şəhərin mərkəzində yerləşən qəzalı vəziyyətdə olan evlər bərpa olunacaq. Əks təqdirdə bədbəxt hadisə qaçılmazdır.
Elçin Əkbərov,

Musavat.com

 

Sayt haqqında

"Kütləvi informasiya vasitələri haqqında Azərbaycan Respublikasının Qanunu"na əsasən KİV qanunla qadağan olunmuş mənbələr istisna olmaqla, istənilən vəsaitlər hesabına maliyyələşdirilə bilər (Maddə 6-1), KİV üzərində dövlət senzurasına, habelə bu məqsədlə xüsusi dövlət orqanlarının və ya vəzifələrin yaradılmasına və maliyyələşdirilməsinə yol verilmir (Maddə 7), KİV cəmiyyətdəki iqtisadi, siyasi, ictimai və sosial durum haqqında, dövlət orqanlarının, bələdiyyələrin, idarə, müəssisə və təşkilatların, ictimai birliklərin, siyasi partiyaların, vəzifəli şəxslərin fəaliyyəti barədə operativ və doğru-dürüst məlumatlar almaq hüququna malikdirlər (Maddə 8)

ULU YOL xəbər agentliyi 2015
Təsisçi və Baş redaktor:   Saday Fərəcov
Tel:                    +994 70 215 78 15
E mail:                    uluyol.az@gmail.com
Hazırladı: Vüsal Əli

Fatal error: [] operator not supported for strings in /home/uluyol/public_html/index.php on line 300