Fikrət Fərəməzoğlunun üzünə duran "Antaliya Mehman" həbs olundu

 

Jurnalist, Jam.az saytnın baş redaktoru Fikrət Fərəməzoğludan şikayət edərək həbs etdirən Mehman Həsənov (Antalya Mehman) həbs olunub.

 

Bu barədə Azerbaycanrealligi.com saytı məlumat yayıb.

 

Mehman Həsənovun öz işçisi Ceyhun Abbasovun şikayəti əsasında saxlanıldığı deyilir.

 

Məlumata görə, istintaqı Baş Prokurorluğun Ağır Cinayətlər üzrə İstintaq İdarəsi aparır və prokurorluğun sanksiyası əsasında Səbail Rayon Məhkəməsi Mehman Həsənov barəsində 4 ay həbs qətimkan tədbiri seçib.

 

Zərərçəkən kimi tanınan Ceyhun Abbasov məlumatı təsdiqləyib və Mehman Həsənovdan şikayətçi olduğunu deyib.

 

Mehman Həsənovun Cinayət Məcəlləsinin 125-ci maddəsi ilə (özünü öldürmə həddinə çatdırma) ittiham olunduğu bildirilir.

 

M. Həsənov yanvarın 11-də Səbail Rayon Məhkəməsinin qərarıdan apelyasiya şikayəti versə də, Bakı Apelliyasiya Məhkəməsi 4 ay həbs qətimkan qərarını qüvvədə saxlayıb.

 

"Antaliya Mehman" kimi tanınan Mehman Həsənov kimdir?

 

Mehman Həsənovun Jam.az saytının baş redaktoru Fikrət Fərəməzoğlunun işində də zərərçəkmiş şəxs kimi tanınıb. Belə ki, Fikrət Fərəməzoğlu onun Bakının müxtəlif ərazilərində çoxsaylı masaj salonları və "Antaliya" adlı əxlaqsızlıq yuvası işlətdiyini yazıb.

 

Bundan sonra Həsənov jurnalistdən Baş Mütəşəkkil Cinayətkarlıqla Mübarizə Baş İdarəsinə şikayət edib.

 

O bildirib ki, guya Fikrət Fərəməzoğlu onlardan hədə-qorxu yolu ilə rüşvət tələb edib.

 

2016-ci il iyunun 30-da günorta saatlarında Fikrət Fərəməzoğlu həbs edilib.

 

2017-ci il iyunun 14-də jurnalistə Bakı Ağır Cinayətlər Məhkəməsinin qərarı ilə F. Fərəməzoğlu 2 il jurnalist fəaliyyəti ilə məşğul olmamaq şərti ilə 7 il müddətinə azadlıqdan məhrum edilib. Daha sonra Ali Məhkəmə jurnalistin cəzasının 1 ilini azaldaraq 6 ilə endirib.

 

Jurnalist ittihamı qəbul etməyib və həbsinin siyasi sifariş olduğunu bildirib. Amma buna baxmayaraq Fikrət Fərəməzoğlu 3 ilə yaxındır ki, həbsdədir.

 

"Antaliya Mehman", Şirin Abdullayev və Ceyhun Abbasovun şərik - işbirliyi olduğu deyilir. Şirin Abdullayev də jurnalist Fikrət Fərəməzoğlunun cinayət işində zərərçəkmiş şəxs kimi tanınıb.Şirin Abdullayev bir neçə il öncə "Azadlıq" qəzetini də məhkəməyə verib, lakin onun şikayəti təmin olunmayıb.

 

Ceyhun Abbasov isə jurnalistin işində şahid qismində dindirilib və onun əleyhinə ifadə verib.

 

Ceyhun Abbasov mediaya açqlamasında Fikrət Fərəməzoğlunun əleyhinə ifadə verdiyinə də münasibət bildirib. O qeyd edib ki, ondan bunu Mehman Həsənov tələb edib: "Allah Fikrət Fərəməzoğlunun qapısını açsın. Uşaqları var. Mehman çox jurnalisti şərlədi. Mən buna dözə bilməzdim".

 

Sayt haqqında

"Kütləvi informasiya vasitələri haqqında Azərbaycan Respublikasının Qanunu"na əsasən KİV qanunla qadağan olunmuş mənbələr istisna olmaqla, istənilən vəsaitlər hesabına maliyyələşdirilə bilər (Maddə 6-1), KİV üzərində dövlət senzurasına, habelə bu məqsədlə xüsusi dövlət orqanlarının və ya vəzifələrin yaradılmasına və maliyyələşdirilməsinə yol verilmir (Maddə 7), KİV cəmiyyətdəki iqtisadi, siyasi, ictimai və sosial durum haqqında, dövlət orqanlarının, bələdiyyələrin, idarə, müəssisə və təşkilatların, ictimai birliklərin, siyasi partiyaların, vəzifəli şəxslərin fəaliyyəti barədə operativ və doğru-dürüst məlumatlar almaq hüququna malikdirlər (Maddə 8)

ULU YOL xəbər agentliyi 2015
Təsisçi və Baş redaktor:   Saday Fərəcov
Tel:                    +994 70 215 78 15
E mail:                    uluyol.az@gmail.com
Hazırladı: Vüsal Əli

Fatal error: [] operator not supported for strings in /home/uluyol/public_html/index.php on line 300