Modriç Ronaldu və Messinin hegemonluğuna son qoyub

 

"Qızıl top"u qazanan Xorvatiya millisinin və İspaniya "Real Madrid"inin futbolçusu Luka Modriç hazırda İtaliya "Yuventus"unda çıxış edən sabiq komanda yoldaşı Kriştianu Ronaldu ilə "Barselona"da çıxış edən Lionel Messinin 11 illik hegemonluğuna son qoyub.

"Report"un məlumatına görə, Ronaldu 2008-ci ildə İngiltərə "Mançester Yunayted"inin, 2013, 2014, 2016 və 2017-ci illərdə "Real Madrid"in heyətində bu mükafata sahib olub. Messi isə 2009, 2010, 2011, 2012 və 2015-ci illərdə dünyanın ən güclüsü sayılıb. Sonuncu dəfə "Qızıl top" 2007-ci ildə fərqli futbolçuya - "Milan"ın braziliyalı yarımmüdafiəçisi Kakaya qismət olub.

Budəfəki seçkidə portuqaliyalı hücumçu 2-ci, argentinalı forvard 5-ci yeri tutub. Messi 2006-cı ildən sonra ilk dəfə liderlər "üçlüy"ünə düşə bilməyib. Amma o, UEFA-ya üzv ölkələrin çempionatlarının bombardirlərinə verilən "Qızıl buts"un builki sahibi olub.

Modriç həm də "Real Madrid"in indiyədək "Qızıl top" qazanmış 7-ci futbolçusu olub. Əvvəllər "kral klubu"ndan bu mükafatı Alfredo di Stefano (1957, 1959), Raymon Kopa (1958), Luiş Fiqu (2000), Ronaldo (2002), Fabio Kannavaro (2006) və Kriştianu Ronaldu əldə edib. Bununla da Madrid təmsilçisi "Barselona", "Yubentus" və "Milan"ı keçib. "Qızıl top"ların ümumi sayında isə "Real Madrid" "Barselona" ilə bərabərləşib. İndi onların hərəyə 11 belə mükafatı var.

Qeyd edək ki, "Qızıl top"a ilk dəfə xorvatiyalı futbolçu yiyələnib. Əvvəllər bu ölkənin futbolçuları arasında ən yüksək göstərici Davor Şukerə məxsus olub. 1998-ci il dünya çempionatının bombardiri yalnız Zinəddin Zidana uduzaraq, ikinci yeri tutub.

 

Sayt haqqında

"Kütləvi informasiya vasitələri haqqında Azərbaycan Respublikasının Qanunu"na əsasən KİV qanunla qadağan olunmuş mənbələr istisna olmaqla, istənilən vəsaitlər hesabına maliyyələşdirilə bilər (Maddə 6-1), KİV üzərində dövlət senzurasına, habelə bu məqsədlə xüsusi dövlət orqanlarının və ya vəzifələrin yaradılmasına və maliyyələşdirilməsinə yol verilmir (Maddə 7), KİV cəmiyyətdəki iqtisadi, siyasi, ictimai və sosial durum haqqında, dövlət orqanlarının, bələdiyyələrin, idarə, müəssisə və təşkilatların, ictimai birliklərin, siyasi partiyaların, vəzifəli şəxslərin fəaliyyəti barədə operativ və doğru-dürüst məlumatlar almaq hüququna malikdirlər (Maddə 8)

ULU YOL xəbər agentliyi 2015
Təsisçi və Baş redaktor:   Saday Fərəcov
Tel:                    +994 70 215 78 15
E mail:                    uluyol.info@mail.ru
Hazırladı: Vüsal Əli

Fatal error: [] operator not supported for strings in /home/uluyol/public_html/index.php on line 300