Havay sakini yalançı raket həyəcanından infarkt keçirdiyinə görə ştatın administrasiyasını məhkəməyə verib

 

ABŞ-ın Havay ştatı administrasiyasının bu ilin yanvarında səhvən raket hücumuna dair elan etdiyi həyəcan siqnalından sonra bu əyalətin infarkt keçirən sakini Ceyms Şilds iddia ərizəsi ilə məhkəməyə müraciət edib.

Xatırladaq ki, 2018-ci il yanvarın 13-də Havay adalarının Fövqəladə Hallar Agentliyi adalara ballistik raketlərin yaxınlaşdığı barədə sakinlərə yanlış informasiya göndərib. Məlumat sakinlərin mobil telefonlarına daxil olan bildiriş vasitəsilə çox sürətlə yayılıb. Səhvin düzəldilməsi və bu bildirişin yanlış həyəcan olduğu barədə təkrar xəbərdarlıq edilməsi isə 38 dəqiqədən sonra baş verib.

AZƏRTAC xəbər verir ki, iddia ərizəsinə görə, Ceyms Şilds və onun rəfiqəsi Brenda Reyçel məlumatı çimərliyə gedərkən alıblar. Sağ qurtulmaq şansının olmayacağı qənaətinə gələn Şilds uşaqlarına zəng edib və birlikdə öləcəkləri düşüncəsi ilə onları da çimərliyə çağırıb. Lakin çimərliyə çatmamış ürəyində kəskin ağrılar hiss edən Havay sakinini xəstəxananın reanimasiya şöbəsinə aparıblar. Həkimlər Şildsə miokard infarktı diaqnozu qoyublar.

Şildsin vəkillərinin iddiasına görə, raket hücumu haqqında yanlış məlumat və onun vaxtında ləğv olunmaması iddiaçının infarkt keçirməsinə səbəb olub. İddia ərizəsində cavabdeh qismində ştatın administrasiyası, həmçinin həmin vaxt Havay adaları Fövqəladə Hallar Agentliyinin rəisi olan Vern Miyaqi və agentliyin on əməkdaşı göstəriliblər.

 

Sayt haqqında

"Kütləvi informasiya vasitələri haqqında Azərbaycan Respublikasının Qanunu"na əsasən KİV qanunla qadağan olunmuş mənbələr istisna olmaqla, istənilən vəsaitlər hesabına maliyyələşdirilə bilər (Maddə 6-1), KİV üzərində dövlət senzurasına, habelə bu məqsədlə xüsusi dövlət orqanlarının və ya vəzifələrin yaradılmasına və maliyyələşdirilməsinə yol verilmir (Maddə 7), KİV cəmiyyətdəki iqtisadi, siyasi, ictimai və sosial durum haqqında, dövlət orqanlarının, bələdiyyələrin, idarə, müəssisə və təşkilatların, ictimai birliklərin, siyasi partiyaların, vəzifəli şəxslərin fəaliyyəti barədə operativ və doğru-dürüst məlumatlar almaq hüququna malikdirlər (Maddə 8)

ULU YOL xəbər agentliyi 2015
Təsisçi və Baş redaktor:   Saday Fərəcov
Tel:                    +994 70 215 78 15
E mail:                    uluyol.info@mail.ru
Hazırladı: Vüsal Əli

Fatal error: [] operator not supported for strings in /home/uluyol/public_html/index.php on line 300