Nar Festivalında 300 minlik qalmaqal: "Sizin nə haqqınız var ki, araşdırma aparırsız?"

Xəbər verdiyimiz kimi hər il olduğu kimi, bu il də 3-4 oktyabr tarixlərində Göyçayda XIII Nar festivalı keçirilib.

 

Builki Nar festivalında iştirak edənlər arasında da dövlət və hökumət nümayəndələri, Milli Məclisin deputatları, xarici ölkələrin Azərbaycandakı səfirləri, yerli və xarici iş adamları, beynəlxalq təşkilatların əməkdaşları da var. Nar bayramına xaricdən gələn turistlər də böyük maraq göstəririr.

 

Mədəniyyət Nazirliyinin rəsmi internet səhifəsində, həmçinin rəsmi qəzet və saytlarda Festivalın Mədəniyyət Nazirliyi və Göyçay Rayon İcra Hakimiyyətinin birgə təşkilatçılığı ilə keçirildiyi haqqında məlumatlar yer alır ( http://mct.gov.az/az/umumi-xeberler/goycayda-xiii-nar-festivali-kecirilir) ( http://goychay-ih.gov.az/news/371.html).

 

Lakin Rusiyada yaşayan azərbaycanlı milyarder və Göyçayda fəaliyyət göstərən "AzNar” QSC-nin sahibi Fərhad Əhmədov müxtəlif media səhifələrində Göyçayda keçirilən Nar festivalını onun sponsorluğu ilə keçirildiyini bildirir.

 

 

 

 

Əgər Festivalın sponsoru Fərhad Əhmədovun rəhbəri olduğu "AzNar"" QSC-dirsə, onda Mədəniyyət Nazirliyi və Göyçay İH-nin bu festivalda rolu nədən ibarət olub?

 

Qaynarinfo-nun verdiyi xəbərə görə, bu suallara aydınlıq gətirmək üçün Xalq.Az-ın əməkdaşı adıkeçən tərəflərlə əlaqə saxlayıb.

 

"Aznar” QSC-nin rəsmisi açıqlamasında bildirib ki, Göyçayda keçirilən Nar festivalının sponsoru "Aznar” QSC olub: "Bizdən başqa heç bir sponsor olmayıb. Bütün xərcləri "Aznar” QSC-nin sahibi Fərhad Əhmədov ödəyib və bu günki hesabata görə 300 min manat pul xərclənib".

 

Amma Göyçay İcra Hakimiyyətinin sektor müdiri-baş muhasib Kamran Kərimov açıqlamasında bildirib ki, Göyçayda keçirilən Nar festivalı İcra Hakimiyyətinin təşkilatçılığı ilə baş tutub: ""AzNar" sədəcə bir stend qoymuşdu, öz məhsulların satırdı, heç bir sponsorlıq etməyib. Müəyyən işlərdə köməklik etdi, məsələn, moda festivalı keçirdi, bundan başqa heç bir şey etməyib. Festival keçirildi, kimə nə aidiyyatı var vəsaiti kim ödəyib? Festival gözəl keçdi, nəyi araşdırırsız, sizin nə haqqınız var ki, baş tutan festival haqqında araşdırma aparırsız? Kim maraqlanır ki, nə qədər vəsait xərclənib festivala? İctimayyətə lazım deyil kim keçirib festivalı, kim nə qədər vəsait xərcləyib. Siz bunu araşdıra bilməzsiniz. Bu Sizin səlahiyyətinizdə deyil, ictimayyətin gözünə nə soxursuz ki, kim nə qədər pul xərcləyib?№

 

Göyçay İH-nin rəsmisi sonda bir daha vurğulayıb ki, Nar festivalını İcra Hakimiyyəti keçirib və heç kim maddi dəstək göstərməyib. Mədəniyyət Nazirliyindən isə suallara cavab verən olmayıb.

 

Sayt haqqında

"Kütləvi informasiya vasitələri haqqında Azərbaycan Respublikasının Qanunu"na əsasən KİV qanunla qadağan olunmuş mənbələr istisna olmaqla, istənilən vəsaitlər hesabına maliyyələşdirilə bilər (Maddə 6-1), KİV üzərində dövlət senzurasına, habelə bu məqsədlə xüsusi dövlət orqanlarının və ya vəzifələrin yaradılmasına və maliyyələşdirilməsinə yol verilmir (Maddə 7), KİV cəmiyyətdəki iqtisadi, siyasi, ictimai və sosial durum haqqında, dövlət orqanlarının, bələdiyyələrin, idarə, müəssisə və təşkilatların, ictimai birliklərin, siyasi partiyaların, vəzifəli şəxslərin fəaliyyəti barədə operativ və doğru-dürüst məlumatlar almaq hüququna malikdirlər (Maddə 8)

ULU YOL xəbər agentliyi 2015
Təsisçi və Baş redaktor:   Saday Fərəcov
Tel:                    +994 70 215 78 15
E mail:                    uluyol.info@mail.ru
Hazırladı: Vüsal Əli

Fatal error: [] operator not supported for strings in /home/uluyol/public_html/index.php on line 300