Xərçəng xəstəsi olan 27 ilin hərbçisi kömək istəyir - VİDEO, FOTOLAR

 

27 il hərbidə xidmət etmiş polkovnik-leytenant Əliyaz Mirzəyev 3 ildir ağciyər xərçəngindən əziyyət çəkir. Xidməti dövründə xəstəliyə tutulduğuna görə tərxis olunub. O vaxtdan dərmanlarını almaqda çətinlik çəkir:

 

"1992-ci ildən 2016-cı ilə qədər Azərbaycan Silahlı Qüvvələrində xidmət etmişəm. Son çalışdığım Heydər Əliyev adına Ali Hərbi Məktəbdə işləyərkən bu xəstəlik aşkarlandı. Müayinə zamanı məlum oldu ki, ağciyər xərçəngidir. O da bel fəqərəsinə metastaz verib. O gündən bu günə kimi müalicələrdəyəm. Hərbi hospitalda onkoloji xəstələrin müalicəsi mümkün olmadığından Milli Onkologiya Mərkəzinə göndərildim. Orada 14 kurs kimyaterapiya aldım. Lakin yaxşı effekt əldə edə bilmədim. Kimyaterpiya alan zaman dəmanlarım və müalicələrim dövlət tərəfindən ödənilirdi. Analizlər nəticəsində bəlli oldu ki, mənim sağalmağım üçün "Tarceva” adında dərmandan istifadə etməliyəm. Lakin bu dərman çox baha idi. 1200-1500 manata yalnız xaricdən gətirmək mümkün idi. Öz vəsaitim hesabına doqquz ay çətinliklə dərmanlarımı ala bildim. Sonradan bəlli oldu ki, bu dərmanın elə də effekt vermir. Daha sonra həkimlər "Optiva” adlanan dərmandan istifadə etməyi məsləhət gördülər. Bu dərman ampuladan ibarətdir və hər 15 gündən bir ikisi qoşulmalıdır. Azərbaycanda isə bu dərmandan yoxdur. Biri 1300 dollardır. Bir ay üçün isə 5200 dollar deməkdir. İllik isə 110 min manata çıxır. Ayağa qalxmağımda bu dərmanın böyük köməyi var. Nəfəs ala, danışa bilmirdim. Bu dərman qoşulandan sonra irəliləyiş var. Dərman baha olduğundan keçmiş, yaxın insanların köməkliyi ilə alıram. Lakin bu da bir vaxta qədər... Mənə verilən 1020 manat təqüdlə bu dərmanları almaq mümkün deyil. 250 manat kirayəyə verirəm. İki övladım da ali təhsil alır. Ailənin dolanışığı və onların xərclərini birtəhər ödəyirəm”.

Ə.Mirzəyev dərmanlarının alınması üçün dövlət tərəfindən ona yardım edilməsini xahiş etdi:
"Hərbi Qulluqçuların Statusu Haqqında Qanunun 13-cü maddəsinin 6-cı bəndinə göstərilib ki, mən pulsuz müalicə almalıyam. Müdafiə nazirimiz general-polkovnik Zakir Həsənovdan xahiş edirəm ki, mənim işimə baxılması ilə bağlı göstəriş versin. Mən 27 il sevə-sevə bu vətənə xidmət eləmişəm. Canımı, cavanlığımı bu vətən yolunda vermişəm. İndi bu xəstəlikdən əziyyət çəkirəm. Dərmanlarım çox bahadır, ala bilmirəm. Xahiş edirəm dövlət tərəfindən dərmanlarımın alınmasına köməklik edilsin”.

Daha ətraflı təqdim etdiyimiz videodan izləyə bilərsiniz.

Məğrur MƏRD, musavat.com

 

 

Sayt haqqında

"Kütləvi informasiya vasitələri haqqında Azərbaycan Respublikasının Qanunu"na əsasən KİV qanunla qadağan olunmuş mənbələr istisna olmaqla, istənilən vəsaitlər hesabına maliyyələşdirilə bilər (Maddə 6-1), KİV üzərində dövlət senzurasına, habelə bu məqsədlə xüsusi dövlət orqanlarının və ya vəzifələrin yaradılmasına və maliyyələşdirilməsinə yol verilmir (Maddə 7), KİV cəmiyyətdəki iqtisadi, siyasi, ictimai və sosial durum haqqında, dövlət orqanlarının, bələdiyyələrin, idarə, müəssisə və təşkilatların, ictimai birliklərin, siyasi partiyaların, vəzifəli şəxslərin fəaliyyəti barədə operativ və doğru-dürüst məlumatlar almaq hüququna malikdirlər (Maddə 8)

ULU YOL xəbər agentliyi 2015
Təsisçi və Baş redaktor:   Saday Fərəcov
Tel:                    +994 70 215 78 15
E mail:                    uluyol.info@mail.ru
Hazırladı: Vüsal Əli

Fatal error: [] operator not supported for strings in /home/uluyol/public_html/index.php on line 300