"Bizə bu heç sərf etmir, bahadır” – Telefonlara tətbiq olunan rüsumun səbəbləri – VİDEO

 

       Şəxsi istehlak üçün Azərbaycana gətirilən mobil cihazların qeydiyyata alınmasına dövlət rüsumu artırılıb. Təsdiq olunan rüsum məbləğlərinə görə yeni qiymət 30 manatdan 150 manata qədər təşkil edir. İndiyədək telefonların bu məbləğ 5 manat idi. Bəs rüsumun artırılması ölkəyə gətirilən mobil telefonların sayına, satış qiymətinə və yaxud alıcı qabiliyyətinə necə təsir edəcək?

Mehdi Ənvər – Turist: "Bizim adamlar çox gəlir Bakıya. İldə 2-3 dəfə gəlirlər. O telefonu 1 ay işlədə bilərsən sonra bağlanır. Qeydiyyatdan keçməlisən. Bizə bu heç sərf etmir, bahadır”.

Mehdi Ənvər deyir ki, Bakıya 6 ay əvvəlki gəlişində mobil telefonunu 5 manata qeydiyyatdan keçirib. Bu dəfə həmin telefon üçün 150 manat, xanımının bir qədər aşağı sinifdən olan telefonu üçün 30 manat qeydiyyat rüsumu tələb olunub. Mehdi kimi İrandan və digər yaxın ölkələrdən Azərbaycana mütəmadi səfər edən insanlar çoxdur. Elə xaricdə sərfəli qiymətə rast gəldiyi mobil telefonu şəxsi istifadəsi üçün alıb ölkəyə gətirən vətəndaşlarımız da az deyil. Yeni rüsum məbləğini nəzərə aldıqda sərfəli qiymət anlayışı aradan qalxmış olur. Yeni rüsum məbləğinin daxili bazara təsiri, telefon mağazalarında qiymət artımının yaşanıb yaşanmayacağı maraqlıdır.

Satıcılar yeni rüsumun mağazalardan çox alıcılara təsir edəcəyini deyirlər.

Pünhan Nəsirov – Satıcı: "Bizim kimi mağazalara demək olar ki, elə də böyük təsiri yoxdur. Çünki, belə deyək, əvvəllər telefonu 269 manata satırdım. Bəzi yerlərdə ucuz satırdılar deyə, satışım az idi. Alıcıya bu sərf etmir. Çünki 200 manatlıq telefona gücü çatdığı halda Azərbaycana gəlib çıxan telefonun qiyməti bir az da qalxır”.

İnformasiya texnologiyaları üzrə ekspert Osman Gündüz qərarın sırf şəxsi istehlak adı ilə gətirilən telefonların satışa çıxarılması hallarının qarşısını almaq məqsədi daşıdığını deyir.

Osman Gündüz – Ekspert: "Şəxsi məqsədlər üçün Azərbaycana telefon gətirənlər arasında telefonun satışını həyata keçirənlər də var. Deyək ki mindən biri. Şirkətlər də iddialıdırlar ki, bu məqsədlə satılan telefon onların bazarına təsir edir. 5-10 nəfər hər hansı qurumun nəzarətindən kənarda biznes ilə məşğul ola bilirsə, 100.000-lərlə insan bunların güdazına getməlidir”.

Xaricdən fikizi şəxslərin gətirdiyi mobil telefonlar üçün qeydiyyat rüsumu belədir: Bazar qiyməti 100 ABŞ dollarına qədər olduqda – 30 manat, 100-200 dollar arası 50 manat, 200 dollardan 400 dollara qədər oloan telefonlar üçün – 60 manat, 400-700 dollarlıq telefonlara – 70 manat, 700-1000 dollar arası olduqda 100 manat, 1000 dollardan yuxarı telefonlar üçün isə 150 manat göstərilir.

 

Sayt haqqında

"Kütləvi informasiya vasitələri haqqında Azərbaycan Respublikasının Qanunu"na əsasən KİV qanunla qadağan olunmuş mənbələr istisna olmaqla, istənilən vəsaitlər hesabına maliyyələşdirilə bilər (Maddə 6-1), KİV üzərində dövlət senzurasına, habelə bu məqsədlə xüsusi dövlət orqanlarının və ya vəzifələrin yaradılmasına və maliyyələşdirilməsinə yol verilmir (Maddə 7), KİV cəmiyyətdəki iqtisadi, siyasi, ictimai və sosial durum haqqında, dövlət orqanlarının, bələdiyyələrin, idarə, müəssisə və təşkilatların, ictimai birliklərin, siyasi partiyaların, vəzifəli şəxslərin fəaliyyəti barədə operativ və doğru-dürüst məlumatlar almaq hüququna malikdirlər (Maddə 8)

ULU YOL xəbər agentliyi 2015
Təsisçi və Baş redaktor:   Saday Fərəcov
Tel:                    +994 70 215 78 15
E mail:                    uluyol.info@mail.ru
Hazırladı: Vüsal Əli

Fatal error: [] operator not supported for strings in /home/uluyol/public_html/index.php on line 300