Pol Manafortun məhkəməsi Trampı impiçmentə apara bilərmi?

 

"Xüsusi prokuror Robert Müllerin bu günlərdə məhkəməsi başlayan Pol Manafort üzərində qələbəsi Donald Trampın impiçmentinə doğru atılan addım ola bilər”.

Musavat.com xəbər verir ki, bu iddia Böyük Britaniyanın "The Independent” qəzetinin yazarı Kim Senquptanın məqaləsində yer aıb.

Donald Trampın seçki qərargahının keçmiş rəisi Pol Manafortu isə qarşıda 2 məhkəmə prosesi gözləyir.

Virciniya ştatının Aleksandriya şəhərində keçirilən məhkəmədə P.Manafort bank fırıldaqçılığında, vergidən yayınmada və bütün bunları törədərkən qaranlıq şəxs və təşkilatlarla əlbir olmaqda günahlandırılır.

İttiham aktında onun Ukraynanın keçmiş prezidenti Viktor Yanukoviçə göstərdiyi xidmətlər müqabilində aldığı milyonlarla dolları vergidən qaçırdığı, habelə kreditlər almaq üçün yalan məlumatlar verdiyi qeyd olunub.

İkinci prosesdə isə Pol Manafort xarici agent kimi iştirak edərək bunu federal orqanlardan gizlətməkdə təqsirləndirilir. Onun bu məsələdə suç ortağı isə Rusiya kəşfiyyatı ilə əlaqəsi olan Konstantin Kilimnikdir.

Картинки по запросу пол манафорт константин килимник

 

Lakin Manafortun Moskva ilə əlaqələri birinci prosesin də ana mövzularından biri olacaq. Burada ittiham tərəfini təmsil edən prokurorların Pol Manafortun Ukrayna oliqarxları və Kremlə yaxın siyasətçilərlə əlaqələri ortaya qoyacağı gözlənilir. Bu oliqarxlardan biri də Manafortun pul kələyi gəldiyi deyilən Oleq Deripaskadır.

"Prokuror Müllerin ittiham irəli sürdüyü 32 adamdan 31-i ya öz günahını boynuna alıb, ya da Rusiya tərəfindən ekstradisiyası mümkün olmayan vətəndaşlardır. Onlardan təkcə Manafort günahını etiraf etməyib”, - Senqupta yazır.

Müəllif bütün bu faktları sadaladıqdan sonra belə bir nəticəyə gəlir:

"Beləliklə, Pol Manafort üzərindəki məhkəmə Trampın Kremlin əlinin altında olması məsələsinə aydınlıq gətirə bilər. Əgər Müller məğlubiyyətə düçar olsa, Trampın komandası "Rusiya işi”ni bağlamaqla bağlı güclü imkan və fürsət əldə edəcək. Lakin xüsusi prokurorun qələbəsi prezidentin impiçmentinə doğru aparan addım olacaq”.

 

Sayt haqqında

"Kütləvi informasiya vasitələri haqqında Azərbaycan Respublikasının Qanunu"na əsasən KİV qanunla qadağan olunmuş mənbələr istisna olmaqla, istənilən vəsaitlər hesabına maliyyələşdirilə bilər (Maddə 6-1), KİV üzərində dövlət senzurasına, habelə bu məqsədlə xüsusi dövlət orqanlarının və ya vəzifələrin yaradılmasına və maliyyələşdirilməsinə yol verilmir (Maddə 7), KİV cəmiyyətdəki iqtisadi, siyasi, ictimai və sosial durum haqqında, dövlət orqanlarının, bələdiyyələrin, idarə, müəssisə və təşkilatların, ictimai birliklərin, siyasi partiyaların, vəzifəli şəxslərin fəaliyyəti barədə operativ və doğru-dürüst məlumatlar almaq hüququna malikdirlər (Maddə 8)

ULU YOL xəbər agentliyi 2015
Təsisçi və Baş redaktor:   Saday Fərəcov
Tel:                    +994 70 215 78 15
E mail:                    uluyol.info@mail.ru
Hazırladı: Vüsal Əli

Fatal error: [] operator not supported for strings in /home/uluyol/public_html/index.php on line 300