Transatlantik münasibətlər yalnız Buşların vaxtında belə bərbad vəziyyətdə olub » Ulu Yol Xəbər portalı

              Transatlantik münasibətlər yalnız Buşların vaxtında belə bərbad vəziyyətdə olub

 

"Yeni araşdırmalar Qərb içindəki parçalanmanın daha dərin olduğunu və BMT-də demokratik dövlətlər arasında heç bir həmrəyliyin müşahidə edilmədiyini, xüsusilə iqtisadi məsələlərdə ziddiyətlərin olduqca yüksəldiyini ortaya qoyub”.

 

Musavat.com xəbər verir ki, Almaniyanın "Handelsblatt” qəzetində Martin Qriv tərəfindən yazılan məqalədə belə bir nəticə əks olunub. Müəllfin yazıdğına görə, ABŞ və Avropa arasındakı uçurum təkcə Trampın Qoca qitəyə səyahəti zamanı və onun yürütdüyü iqtisadi siyasətin gedişində meydana gəlməyib.

 

 

 

"Donald Trampın prezidentliyi dövründə Birləşmiş Millətlər Təşkilatı və onun Qərbdəki müttəfiqləri artıq daha çox məsələlərdə toqquşurlar”, - yazıda Almaniyanın "İqtisadi araşdırmalar institutu”nun hesabatından sitat gətirlir.

 

"İqtisadi sahədə mövqelər demək olar ki, üst-üstə düşmür”, - institutun eksperti Niklas Potrafke müəllifə bildirib.

 

"Bu vaxta qədər ABŞ və onun müttəfiqlərinin BMT-də müzakirə olunan hər bir məsələdə həmrəylik nümayiş etdirdiyi təsəvvürü var idi. Özü də Rusiya ilə münaqişə ocaqlarının sayı artdığı, Çinin isə dünya səhnəsində artıq daha qüdrətli mövqeyə sahib olduğu bir məqamda bu bağlılıq daha da möhkəmlənməli idi. Lakin Trampın gəlişi ilə tam əks proseslər baş verir. 2017-ci ilin yanvarından bu yana BMT-də 95 qətnamə layihəsi səsə qoyulub. Onlardan yalnız 56%-də ABŞ və "böyük yeddilik”ə daxil olan ölkələr arasında uzlaşma olub. Bu isə Trampa qədər olan dövrdən 10,3% azdır” - Niklas Potrafke deyib.

 

 

 

İqtisadi araşdırmalar institutundan bildirilən fikrə görə, burada əsas günah ABŞ-ın üzərinə düşür:"Məsələn, "böyük yeddilik”dəki dövlətlərin İsrail-Fələstin münaqişəsi üzrə siyasətləri dəyişmədyi halda Trampın gəlişi ilə ABŞ-ın siyasətində kəskin dönüş yaranıb. Bəhs olunan problemlə əlaqədar qəbul edilən qətnamələrin ABŞ tərəfindən dəstəklənmə faizləri 20,6%-dən 5,3%-ə düşüb”.

 

O ki qaldı iqtisadi məsələlərə, burada da yeni administrasiya ümumiyyələt "böyük yeddilik” dövlətlərinin qəbul etdiyi heç bir qərarı dəstəkləməyib.

 

 

 

Yazıda bu mənzərəyə yalnız ata və oğul Buşların dövründə rast gəlindiyi bildirilir. Lakin Trampın hələ ən azı 2 il də vəzifədə qalacağı güman olunsa, onun bu sahədə Buşları da keçəcəyi indidən görünür.

 

"Bütün bunlar isə ABŞ-ı dünyada daha çox tədric vəziyyətinə salır”, - ekspertlər narahatlıqla qeyd edirlər.

 

 

Sayt haqqında

"Kütləvi informasiya vasitələri haqqında Azərbaycan Respublikasının Qanunu"na əsasən KİV qanunla qadağan olunmuş mənbələr istisna olmaqla, istənilən vəsaitlər hesabına maliyyələşdirilə bilər (Maddə 6-1), KİV üzərində dövlət senzurasına, habelə bu məqsədlə xüsusi dövlət orqanlarının və ya vəzifələrin yaradılmasına və maliyyələşdirilməsinə yol verilmir (Maddə 7), KİV cəmiyyətdəki iqtisadi, siyasi, ictimai və sosial durum haqqında, dövlət orqanlarının, bələdiyyələrin, idarə, müəssisə və təşkilatların, ictimai birliklərin, siyasi partiyaların, vəzifəli şəxslərin fəaliyyəti barədə operativ və doğru-dürüst məlumatlar almaq hüququna malikdirlər (Maddə 8)

ULU YOL xəbər agentliyi 2015
Təsisçi və Baş redaktor:   Saday Fərəcov
Tel:                    +994 70 215 78 15
E mail:                    uluyol.info@mail.ru
Hazırladı: Vüsal Əli

Fatal error: [] operator not supported for strings in /home/uluyol/public_html/index.php on line 300