Dövlətlərin bayraqlarında bənövşəyi rəng niyə yoxdur? -Tarixi səbəbi

Dünyada 195 ölkə var və o ölkələrin heç birinin bayrağında bənövşəyi rəng yoxdur.

 

"Qafqazinfo" xarici mediaya istinadən bunun səbəbini təqdim edir:

 

Bənövşəyi tarixin ən bahalı və yalnız krallıqların, imepratorluqların ali zümrəsinin istifadə edə biləcəyi rəng olub. Bu rəngin piqmentinin istehsalı XVIII əsrədək çox əziyyətli iş olub. Bənövşəyi ilk dəfə finikiyalılar tərəfindən istifadə edilib. Suriya və Livanın Aralıq dənizi sahillərində yaşamış bu xalq bənövşəyi rəngi dəniz ilbizindən əldə edirdi. Sur antik kəndində bir qram bənövşəyi rəng almaq üçün on mindən çox ilbizdən istifadə olunurdu.

 

Bu rəngin alınmasının baha başa gəlməsi ondan yalnız krallıq və imperatorluqların istifadəsinə gətirib çıxarırdı.

 

Finikiyalıların hazırladığı bənövşəyinin dayanıqlı olması,parçadan solmaması və günəş işığına məruz qaldıqca parlaqlığını artırması onu zəngin insanların rəngi etmişdi.

Yüz illər boyunca Mureks adlandırılan ilbizlərdən hazırlanan bənövşəyi uzun müddət Roma, Bizans və Fars imperiyalarında simvola çevrilib.

 

1533-1603-cü illərdə İngiltərə kraliçası I Elizabet özündən və kral ailə üzvlərindən başqa bənövşəyi rəngdə libas geyilməsini qadağan etmişdi. Elizabetin dövründə yarım kiloqram bənövşəyi rəngin dəyəri 1,5 kiloqram qızıla bərabər idi (indiki dövrdə 56 min dollara). Bənövşəyinin bu cür astronomik dəyəri ölkə və krallıqların bayraqlarında bu rəngdən istifadə edilməməsinə səbəb olmuşdu.

 

İngilis kimyaçı Uilyam Henri Perkin 1856-cı ildə sintetik bənövşəyi rəngin istehsalını kəşf edir. Bundan sonra bənövşəyi rəng hər kəs üçün əlçatan olur. Öz zavodunu tikən Perkin bənövşəyi rəng istehsalına başlayır. Bununla belə artıq dünya ölkələrinin, demək olar ki, əksəriyyəti bayraqlarında bu rəngdən istifadə etmirdi.

 

Sayt haqqında

"Kütləvi informasiya vasitələri haqqında Azərbaycan Respublikasının Qanunu"na əsasən KİV qanunla qadağan olunmuş mənbələr istisna olmaqla, istənilən vəsaitlər hesabına maliyyələşdirilə bilər (Maddə 6-1), KİV üzərində dövlət senzurasına, habelə bu məqsədlə xüsusi dövlət orqanlarının və ya vəzifələrin yaradılmasına və maliyyələşdirilməsinə yol verilmir (Maddə 7), KİV cəmiyyətdəki iqtisadi, siyasi, ictimai və sosial durum haqqında, dövlət orqanlarının, bələdiyyələrin, idarə, müəssisə və təşkilatların, ictimai birliklərin, siyasi partiyaların, vəzifəli şəxslərin fəaliyyəti barədə operativ və doğru-dürüst məlumatlar almaq hüququna malikdirlər (Maddə 8)

ULU YOL xəbər agentliyi 2015
Təsisçi və Baş redaktor:   Saday Fərəcov
Tel:                    +994 70 215 78 15
E mail:                    uluyol.info@mail.ru
Hazırladı: Vüsal Əli

Fatal error: [] operator not supported for strings in /home/uluyol/public_html/index.php on line 300