İmtahanların cavabları açıqlandı - 3 nəfər 700 bal toplayıb » Ulu Yol Xəbər portalı

                   İmtahanların cavabları açıqlandı -3 nəfər 700 bal toplayıb

 

Mayın 20-də ali təhsil müəssisələrinin I və IV ixtisas qrupları üzrə keçirilmiş qəbul imtahanlarının nəticələri açıqlanıb.

 

BakuPost-un xəbərinə görə, test imtahanının nəticələri və cavab kartlarının qrafik təsvirləri ilə Dövlət İmtahan Mərkəzin (DİM) internet səhifəsində tanış olmaq mümkündür.

 

Abituriyentlər imtahan nəticələrini mobil operatorlardan (Azercell, Bakcell, Nar) iş nömrəsini 7727-yə SMS göndərməklə də öyrənə bilərlər.

 

DİM sədri Məleykə Abbaszadə imtahanların nəticələri ilə bağlı açıqlama verib. Bildirib ki,I qrup üzrə 2 nəfər, IV qrup üzrə isə 1 nəfər 700 bal toplayıb: "Bu, yaz imtahanın nəticəsidir. Yay imtahanında nəticələrin daha da yüksələcəyini gözləyirik. Bu il imtahanlarda abituriyentlərin ikinci imtahan vermək şansı ilə yanaşı, ixtisas qruplarını da dəyişmək şansı var”.

 

M.Abbaszadə bildirib ki, ötən il yaz və yay imtahanlarının nəticələri arasında 20 bal fərqi qeydə alınıb: "Bu, belə də olmalıdır, iki ay əlavə məşğul olurlar. Elə abituriyentlər də var ki, birinci imtahandan sonra ikinci imtahana nizam-intizamı pozmaq məqsədilə daxil olurlar. Hesab edirlər ki, birinci imtahanda nəticələri var və yetərlərdir. İkinci imtahana qayda pozmaq üçün daxil olurlar”.

 

DİM rəhbəri qeyd edib ki, qayda pozuntusu edənlərin imtahan nəticələri ləğv olunacaq: "Yaz imtahanlarında da telefon keçirməyə, köçürməyə və ya başqasının əvəzinə keçməyə cəhdlər olub. Onların imtahan nəticələri ləğv olunub və yay imtahanına buraxılmayacaq”.

 

Sayt haqqında

"Kütləvi informasiya vasitələri haqqında Azərbaycan Respublikasının Qanunu"na əsasən KİV qanunla qadağan olunmuş mənbələr istisna olmaqla, istənilən vəsaitlər hesabına maliyyələşdirilə bilər (Maddə 6-1), KİV üzərində dövlət senzurasına, habelə bu məqsədlə xüsusi dövlət orqanlarının və ya vəzifələrin yaradılmasına və maliyyələşdirilməsinə yol verilmir (Maddə 7), KİV cəmiyyətdəki iqtisadi, siyasi, ictimai və sosial durum haqqında, dövlət orqanlarının, bələdiyyələrin, idarə, müəssisə və təşkilatların, ictimai birliklərin, siyasi partiyaların, vəzifəli şəxslərin fəaliyyəti barədə operativ və doğru-dürüst məlumatlar almaq hüququna malikdirlər (Maddə 8)

ULU YOL xəbər agentliyi 2015
Təsisçi və Baş redaktor:   Saday Fərəcov
Tel:                    +994 70 215 78 15
E mail:                    uluyol.info@mail.ru
Hazırladı: Vüsal Əli

Fatal error: [] operator not supported for strings in /home/uluyol/public_html/index.php on line 300