Bu gün azadlığa buraxılan jurnalistin vəkilindən açıqlamalar

 

Cavad Cavadov: "Mövqeyimizi sübut edə bildik”

 

"Kanal 13” internet televiziyasının rəhbəri Əziz Orucov bu gün azadlığa buraxılıb. Ali Məhkəmə onun barəsindəki 6 illik cəzanı 3 illə əvəzləyib və həmin cəza da şərti hesab olunub.

Ə.Orucovun vəkili Cavad Cavadov müsavat.com-a açıqlamasında qərarı müsbət qarşıladıqlarını söylədi: "Əziz Orucovun Ali Məhkəmədə kassasiya baxışı oldu və hakim Əli Seyfəliyev idi. Onun barəsində Apellyasiya Məhkəməsinin qərarı qismən ləğv olundu. Cinayət Məcəlləsinin 192.2 maddəsi ilə (Qanunsuz sahibkarlıq) verilən ittiham üzrə əməlində cinayət tərkibi olmadığı üçün bəraətverici əsaslarla bu maddəyə xitam verildi. Məhkəmə qəbul etdi ki, onun əməlində bu maddə yoxdur. Cinayət Məcəlləsinin 308.2-ci maddəsi 308.1-ci maddəsinə tövsif olundu, 3 il azadlıqdan məhrumetmə cəzası təyin olundu və Cinayət Məcəlləsinin müvafiq maddəsi təyin olunmaqla, verilən cəza şərti hesab olundu. Bu qərarı müsbət dəyərləndiririk. Qismən də olsa mövqeyimizi sübut edə bildik. Məhkəmə qəbul etdi ki, onun əməlində Cinayət Məcəlləsinin 192-ci maddənin tərkibi yoxdur. Biz hesab edirik ki, 308-ci maddənin ümumiyyətlə, Əziz Orucova aidiyyatı yoxdur. Onun bəraət alması üçün hüquqi müdafiə vasitələrinin bütün imkanlarından istifadə edəcəyik. Yaxın saatlarda Əziz Orucov evində olacaq”.

Cavanşir Abbaslı, musavat.com

 

Sayt haqqında

"Kütləvi informasiya vasitələri haqqında Azərbaycan Respublikasının Qanunu"na əsasən KİV qanunla qadağan olunmuş mənbələr istisna olmaqla, istənilən vəsaitlər hesabına maliyyələşdirilə bilər (Maddə 6-1), KİV üzərində dövlət senzurasına, habelə bu məqsədlə xüsusi dövlət orqanlarının və ya vəzifələrin yaradılmasına və maliyyələşdirilməsinə yol verilmir (Maddə 7), KİV cəmiyyətdəki iqtisadi, siyasi, ictimai və sosial durum haqqında, dövlət orqanlarının, bələdiyyələrin, idarə, müəssisə və təşkilatların, ictimai birliklərin, siyasi partiyaların, vəzifəli şəxslərin fəaliyyəti barədə operativ və doğru-dürüst məlumatlar almaq hüququna malikdirlər (Maddə 8)

ULU YOL xəbər agentliyi 2015
Təsisçi və Baş redaktor:   Saday Fərəcov
Tel:                    +994 70 215 78 15
E mail:                    uluyol.info@mail.ru
Hazırladı: Vüsal Əli

Fatal error: [] operator not supported for strings in /home/uluyol/public_html/index.php on line 300