Tramp və Makron Rusiyaya qarşı ölçülər götürülməsi haqda razılaşıb - Skripala görə

 

ABŞ prezidenti Donald Tramp çərşənbə günü Fransa prezidenti Emmanuel Makronla telefon söhbətində Birləşmiş Ştatlar və Avropa arasında ticari münasibətlər, eləcə də Rusiyaya qarşı Britaniyada Rusiyanın keçmiş agentinin zəhərləndirilməsi ilə bağlı mümkün birgə ölçüləri müzakirə edib.

ABŞ və Fransa liderləri arasında telefon söhbəti haqda Ağ Evin bəyanatında bildirilir.

"İki prezident Birləşmiş Krallıqla Rusiyanın Britaniya ərazisində özəl şəxslərə qarşı kimyəvi hücum törətməsi ilə bağlı həmrəyliklərini vurğulayıblar və Rusiyanın məsuliyyətə cəlb olunması üçün ölçülər götürmək haqda razılışablar”, Ağ Evin bəyanatında bildirilir.

Britaniya bu ayın əvvəli Solsböridə Sergey Skripal və onun qızı Yuliyanın zəhərlənməsinə görə Moskvanı günahlandırıb. Onların vəziyyəti ağır olaraq qalır.

Moskva insidentlə əlaqəsi olduğunu rədd edir. Britaniya hücuma cavab olaraq Rusiyanın 23 diplomatını ölkədən çıxarıb. Rusiya Britaniyanın eyni sayda diplomatik nümayəndələrinin ölkədən çıxarılması haqda qərar verib.

Trampın Makronla Rusiyaya qarşı kimyəvi hücumla əlaqədar ölçülər götürülməsi haqda razılaşması onun Rusiya prezidenti Vladimir Putini bazar günü seçkilərdə qələbəsi münasibətilə təbrik etməsindən bir gün sonraya təsadüf edir.

Ağ Evə əsasən, Tramp Rusiya lideri ilə söhbəti zamanı Skripal və onun qızına qarşı hücumu qeyd etməyib ("Amerikanın səsi").

 

Sayt haqqında

"Kütləvi informasiya vasitələri haqqında Azərbaycan Respublikasının Qanunu"na əsasən KİV qanunla qadağan olunmuş mənbələr istisna olmaqla, istənilən vəsaitlər hesabına maliyyələşdirilə bilər (Maddə 6-1), KİV üzərində dövlət senzurasına, habelə bu məqsədlə xüsusi dövlət orqanlarının və ya vəzifələrin yaradılmasına və maliyyələşdirilməsinə yol verilmir (Maddə 7), KİV cəmiyyətdəki iqtisadi, siyasi, ictimai və sosial durum haqqında, dövlət orqanlarının, bələdiyyələrin, idarə, müəssisə və təşkilatların, ictimai birliklərin, siyasi partiyaların, vəzifəli şəxslərin fəaliyyəti barədə operativ və doğru-dürüst məlumatlar almaq hüququna malikdirlər (Maddə 8)

ULU YOL xəbər agentliyi 2015
Təsisçi və Baş redaktor:   Saday Fərəcov
Tel:                    +994 70 215 78 15
E mail:                    uluyol.info@mail.ru
Hazırladı: Vüsal Əli

Fatal error: [] operator not supported for strings in /home/uluyol/public_html/index.php on line 300