"Baş nazir olmağa razılıq verərəm,amma bir şərtlə...”

 

Ermənistan prezidenti Serj Sərkisyan bildirib ki, dörd il əvvəl olduğu kimi, indi də baş nazir postuna iddia etmir. Lakin eyni zamanda öz vədlərinin əsiri də olmaq istəmir.

Virtualaz.orgxəbər verir ki, Sərkisyan bu barədə tert.am saytına müsahibəsində deyib. O, axır ki, ikinci prezidentlik müddətinin başa çatmasından sonra siyasi gələcəyinin necə olacağına aydınlıq gətirib. Deyib ki, reallıqla barışmaya bilməz və ölkənin inkişafına görə məsuliyyət daşıdığını başa düşür.

"Bir tərəfdən biz xarici siyasətdə müsbət nəticələr əldə etmişik və bu da bizə ciddi davamlılıq ehtiyatı yaradır. Habelə elə sabitlik səviyyəsi əldə etmişik ki, iqtisadi göstəricilərin dinamikasını təmin edir, lakin digər tərəfdən biz mövcud təhdidlərlə hesablaşmaya bilmərik”-Sərkisyan deyib.

Sərkisyanın sözlərinə görə, Ermənistan aprel müharibəsini yaşayıb və insanların məsələni silah gücü ilə həll etmək cəhdini görüb. Və bu gün nəticələrini hesaba almadan küçədə problem yaratmaq istəyən qüvvələr var.


 

Ermənistan başçısının dediyinə görə, gələcək hakimiyyət mövzusu hazırda hakim Respublika partiyasının və ortağı Daşnaksütun partiyasının daxilində fəal müzakirə olunur. Lakin bu müzakirələr hələ partiya-instusional meydançaya gəlib çatmayıb.

"Bilmirəm bu müzakirələr nə zaman yekunlaşacaq, lakin sonda mənim namizədliyimin irəli sürülməsi barədə qərar qəbul edilsə, bu mənim tərəfimdən bir şərtlə mümkün ola bilər- konstitusion səlahiyyətlərin reallaşması ilə paralel olaraq mən təcrübəmi gənc liderlərə ötürməyə böyük zaman ayırmalıyam”-Sərkisyan bildirib.

Ermənistanda aprelin 18-dən etibarən prezident postunu parlamentin seçdiyi Armen Sərkisyan tutacaq. Serj Sərkisyan isə əsas hakimiyyət səlahiyyətlərinin cəmləşdiyi baş nazir postunu zəbt etməyə hazırlaşır.

 

Sayt haqqında

"Kütləvi informasiya vasitələri haqqında Azərbaycan Respublikasının Qanunu"na əsasən KİV qanunla qadağan olunmuş mənbələr istisna olmaqla, istənilən vəsaitlər hesabına maliyyələşdirilə bilər (Maddə 6-1), KİV üzərində dövlət senzurasına, habelə bu məqsədlə xüsusi dövlət orqanlarının və ya vəzifələrin yaradılmasına və maliyyələşdirilməsinə yol verilmir (Maddə 7), KİV cəmiyyətdəki iqtisadi, siyasi, ictimai və sosial durum haqqında, dövlət orqanlarının, bələdiyyələrin, idarə, müəssisə və təşkilatların, ictimai birliklərin, siyasi partiyaların, vəzifəli şəxslərin fəaliyyəti barədə operativ və doğru-dürüst məlumatlar almaq hüququna malikdirlər (Maddə 8)

ULU YOL xəbər agentliyi 2015
Təsisçi və Baş redaktor:   Saday Fərəcov
Tel:                    +994 70 215 78 15
E mail:                    uluyol.info@mail.ru
Hazırladı: Vüsal Əli

Fatal error: [] operator not supported for strings in /home/uluyol/public_html/index.php on line 300