Binəli Yıldırım Qarabağ qazisi ilə görüşdü -FOTO

 

Dağlıq Qarabağın azad edilməsi uğrunda qazi olmuş leytenant Kamil Musəvi Türkiyənin baş naziri Binəli Yıldırımı ziyarət edib.

"Report” "Anadolu”ya istinadən xəbər verir ki, Qarabağda döyüş nəticəsində ayağını və gözünü itirən Kamil Musəvi Binəli Yıldırıma əzmindən, davasından heç nəyi itirmədiyini söyləyib: "Ayaqsız, gözsüz yaşamaq olar, ancaq Vətənsiz mümkün deyil”.

Türkiyənin baş naziri, öz növbəsində, bildirib: "Nə qədər ki, bu eşq var, heç kim bizə zərər verə bilməz, leytenant Kamil Musəvi!”

"Mən Afrinə getmək istərdim”, - deyən Kamil Musəviyə Binəli Yıldırm belə cavab verib: "Qardaşların, böyük qardaşların Afrində dastan yazır”.

Leytenant Türkiyə Silahlı Qüvvələrinin Suriyanın şimalında keçirdiyi "Zeytun budağı” əməliyyatına dəstək məqsədilə videoçarx hazırladığını baş nazirə bildirib. Türkiyə hökumətinin başçısı bundan qürur duyduğunu və izlədiyini bildirib: "İnşallah, Qarabağ da bir gün təmizlənər”.

Baş nazirlə söhbət zamanı Musəvi Çanaqqala savaşı haqqında oxuduğu bir hadisəni danışıb: "Savaş zamanı bir türk hərbçi geyimini cıraraq Fransa əsgərinin yarasını sarıyıb. Türk hərbçi hadisəni dostlarına belə nəql edib: "Mən onun cibində bir qadın fotosu gördüm. Anası olduğunu zənn elədim. Düşündüm ki, anası onu gözləyir. Onu gözləyən var. Ancaq mənim gözləyənim yoxdur. Ona görə də fransız hərbçiyə yardım etdim”. Bu hadisədən xəbər tutan fransız general isə deyib: "Mən belə bir hadisəni nə eşitdim, nə də indiyə kimi görmüşəm”.

Görüşün sonunda Binəli Yıldırım Kamil Musəviyə Türkiyə və Azərbaycan bayraqlarından yaradılan bir plaket və təsbeh hədiyə edib.

 

9f469c19-8428-47ce-a699-76d585ba880d.jpg (54 KB)

Sayt haqqında

"Kütləvi informasiya vasitələri haqqında Azərbaycan Respublikasının Qanunu"na əsasən KİV qanunla qadağan olunmuş mənbələr istisna olmaqla, istənilən vəsaitlər hesabına maliyyələşdirilə bilər (Maddə 6-1), KİV üzərində dövlət senzurasına, habelə bu məqsədlə xüsusi dövlət orqanlarının və ya vəzifələrin yaradılmasına və maliyyələşdirilməsinə yol verilmir (Maddə 7), KİV cəmiyyətdəki iqtisadi, siyasi, ictimai və sosial durum haqqında, dövlət orqanlarının, bələdiyyələrin, idarə, müəssisə və təşkilatların, ictimai birliklərin, siyasi partiyaların, vəzifəli şəxslərin fəaliyyəti barədə operativ və doğru-dürüst məlumatlar almaq hüququna malikdirlər (Maddə 8)

ULU YOL xəbər agentliyi 2015
Təsisçi və Baş redaktor:   Saday Fərəcov
Tel:                    +994 70 215 78 15
E mail:                    uluyol.info@mail.ru
Hazırladı: Vüsal Əli

Fatal error: [] operator not supported for strings in /home/uluyol/public_html/index.php on line 300