Siqaretin əsəbə təsiri

 

Gündə azı 10 siqaret çəkən insanlar çəkməyənlərlə müqayisədə daha əsəbi olurlar. Novator.az-ın məlumatına görə, Finlandiya Elmlər Akademiyasının professoru Yuko Miettunen apardığı tədqiqat nəticəsində bu qənaətə gəlib.

Professor "Acta Psychiatrica Scandinavica” jurnalında dərc etdirdiyi məqaləsində bildirir ki, hər gün və gün ərzində tez-tez siqaret çəkmək əsəbiliyi artırır. Erkən yaşlarından siqaret çəkənlərdə əsəbilik daha çox olur.

Yuko Miettunenin tədqiqatında ilkin olaraq Finlandiyanın 1986-cı il təvəllüdlü 9 min sakini iştirak edib. Sonra tədqiqatın əhatə dairəsi genişləndirilib. Yekunda onların arasından 6 min 81 nəfər seçilib və 30 yaşı tamam olanadək bu adamların üzərində müşahidələr davam etdirilib.

Nəticələr onu da göstərib ki, yeniyetmələr arasında siqaret əleyhinə profilaktika aparılması əhalinin psixi sağlamlığına müsbət təsir göstərir.

Anaşa çəkmək də əsəbiliyi gücləndirir. Bunu Böyük Britaniya alimlərinin apardığı araşdırma təsdiqləyib. "Britaniyanın psixiatriya jurnalı”nda dərc olunan tədqiqat nəticələrində göstərilir ki, anaşa çəkən yeniyetmələr gələcəkdə psixi xəstəliyə daha tez tutula bilərlər.

Britaniya alimləri gündə ən azı 5 dəfə anaşa çəkən cavanların başqaları ilə müqayisədə daha əsəbi olduğunu söyləyir və xüsusilə yeniyetmələri anaşadan uzaq durmağa çağırırlar.

 

Sayt haqqında

"Kütləvi informasiya vasitələri haqqında Azərbaycan Respublikasının Qanunu"na əsasən KİV qanunla qadağan olunmuş mənbələr istisna olmaqla, istənilən vəsaitlər hesabına maliyyələşdirilə bilər (Maddə 6-1), KİV üzərində dövlət senzurasına, habelə bu məqsədlə xüsusi dövlət orqanlarının və ya vəzifələrin yaradılmasına və maliyyələşdirilməsinə yol verilmir (Maddə 7), KİV cəmiyyətdəki iqtisadi, siyasi, ictimai və sosial durum haqqında, dövlət orqanlarının, bələdiyyələrin, idarə, müəssisə və təşkilatların, ictimai birliklərin, siyasi partiyaların, vəzifəli şəxslərin fəaliyyəti barədə operativ və doğru-dürüst məlumatlar almaq hüququna malikdirlər (Maddə 8)

ULU YOL xəbər agentliyi 2015
Təsisçi və Baş redaktor:   Saday Fərəcov
Tel:                    +994 70 215 78 15
E mail:                    uluyol.info@mail.ru
Hazırladı: Vüsal Əli

Fatal error: [] operator not supported for strings in /home/uluyol/public_html/index.php on line 300