Müstəqim Məmmədovun Tərtər qoçuluğu: şəhidin adı Liseydən götürüldü, məktəb satışa çıxarıldı

 

"…mənim üçün şəhid nağılı danışma, liseyin adında Tərtər sözü varsa, deməli mənim tabeliyimdədir, istəsəm saxlayar, istəsəm bağlatdıraram”

Tərtər rayon Qaradağlı kənd sakini İbrahimova Zinyət Yusif qızı bildirir ki, Tərtər rayonunda yerləşən, onun Şəhid qardaşı İbrahimov Qaraş Yusif oğlunun adına olan Tərtər Peşə Liseyindən şəhidin adı müəmmalı və məqsədli şəkildə götürülüb. Xalqın övladlarına peşə, sənət verən bir məktəb şəxsi maraqlara görə bağlatdırılıb. Bununla əlaqədar olaraq, Şəhid bacısı Zinyət xanım aidiyyatı qurumlara gedib-gəlməkdən yorulub. Ümid yeri bildiyi hər yerə müraciət edib. Lakin ona dəqiq, düzgün bir informasiya verən tapılmayıb ki, Şəhid Qaraş İbrahimovun adı niyə liseydən götürülüb və niyə bağlatdırılıb!?
Bununla bağlı cumhuriyyet.az yerli mediada yer alan xəbərlərə istinadən bildirir ki, bu işi Tərtər rayon İcra Hakimiyyətinin Başçısı Müstəqim Məmmədov təşkil edib. Məmmədov Şəhid adını Peşə Liseyinin üzərindən ona görə götüzdürüb ki, həmin peşə liseyini asanlıqla bağlatdıra bilsin və məktəbin binasını satışa çıxarsın. Elə də olub. İndi bina satışdadır. Şəhidin bacısının dediyinə görə, binaya əməlli-başlı qiymət də qoyulub.
Şəhid bacısı Zinyət İbrahimova bu məsələyə görə, dəfələrlə başçı Müstəqim Məmmədovun qəbulunda da olub. Başçı isə hər dəfə, "get hara istəyirsən şikayət et, rayonun yiyəsi mənəm, prezident bu rayonu mənə etibar edib, məndə nə istəsəm edərəm, mənim üçün şəhid nağılı danışma, liseyin adında Tərtər sözü varsa, deməli mənim tabeliyimdədir, istəsəm saxlayar, istəsəm bağlatdıraram. Birdə ki, bunu unutma, mənim arxamda Elmar Vəliyev kimi dağ var” kimi xoşagəlməz, rayonda Prezidentin səlahiyyətli nümayəndəsinə yaraşmayan ifadələr işlədib. Onu da qeyd edək ki, Zinyət İbrahimovanın özü də birinci Qarabağ müharibəsi veteranıdır.

 

Sayt haqqında

"Kütləvi informasiya vasitələri haqqında Azərbaycan Respublikasının Qanunu"na əsasən KİV qanunla qadağan olunmuş mənbələr istisna olmaqla, istənilən vəsaitlər hesabına maliyyələşdirilə bilər (Maddə 6-1), KİV üzərində dövlət senzurasına, habelə bu məqsədlə xüsusi dövlət orqanlarının və ya vəzifələrin yaradılmasına və maliyyələşdirilməsinə yol verilmir (Maddə 7), KİV cəmiyyətdəki iqtisadi, siyasi, ictimai və sosial durum haqqında, dövlət orqanlarının, bələdiyyələrin, idarə, müəssisə və təşkilatların, ictimai birliklərin, siyasi partiyaların, vəzifəli şəxslərin fəaliyyəti barədə operativ və doğru-dürüst məlumatlar almaq hüququna malikdirlər (Maddə 8)

ULU YOL xəbər agentliyi 2015
Təsisçi və Baş redaktor:   Saday Fərəcov
Tel:                    +994 70 215 78 15
E mail:                    uluyol.info@mail.ru
Hazırladı: Vüsal Əli

Fatal error: [] operator not supported for strings in /home/uluyol/public_html/index.php on line 300