Avropa Parlamenti prezident seçkisini müşahidə etməyəcək

 

Avropa Parlamenti Azərbaycanda aprelin 11-nə təyin edilən prezident seçkisini müşahidə etməyəcək.

 

Bu haqda Avropa Parlamentinin mətbuata açıqlamasında bildirilir.

 

Sənəddə bildirilir ki, Azərbaycandakı seçkilərin müşahidəsi ilə bağlı parlamentin mövqeyini qurumun Demokratiyanın dəstəklənməsi və seçki koordinasiya qrupunun həmsədrləri MakAlister və MakAvan açıqlayıblar.

 

«Avropa Parlamenti bu seçki prosesini müşahidə etməyəcək. Nə prosesi, nə sonra elan ediləcək nəticələri şərh edəcək. Avropa Parlamentinin hansısa fərdi üzvü bu seçki prosesini müşahidə etmək, onu şərh etməklə bağlı səlahiyyətləndirilməyib», - açıqlamada vurğulanır.

 

Açıqlamada vurğulanıb ki, Avropa Parlamentinin hər hansı bir üzvü fərdi şəkildə bu seçkiləri müşahidə etməyə qərar verərsə, bunun öz təşəbbüsü olduğunu ifadə etməli, parlament adından çıxış etməməlidir.

 

Sənədə görə, Avropa Parlamenti yaz sessiyasından əvvəl, plenar iclas zamanı Avropa Birliyi və Azərbaycan arasında münasibətlər barəsində hesabat qəbul edəcək.

 

«Yalnız həmin hesabat bu məsələ ilə bağlı Avropa Parlamentinin rəsmi mövqeyini ifadə edəcək», - açıqlamanın sonunda bildirilir.

 

Açıqlamada həmçinin, Avropa Parlamentinin martın 18-də Rusiyada keçiriləcək prezident seçkisini də müşahidə etməyəcəyi ifadə olunub.

 

Bu il Azərbaycanda prezident seçkisi keçiriləcək. Seçki prezident İlham Əliyevin istəyi ilə 6 ay önə çəkilib. Aprelin 11-nə təyin edilən seçkilər oktyabrda keçirilməli idi.

 

Mərkəzi Seçki Komissiyasından (MSK) verilən məlumata görə, artıq 15-ə yaxın şəxsin namizədliyi irəli sürülüb. Onlardan hələlik dördünün namizədliyi qeydiyyata alınıb. Bunlar hazırkı prezident İlham Əliyev, namizədliyi öz təşəbbüsü ilə irəli sürülən deputat Zahid Oruc, Azərbaycan Sosial Demokrat Partiyasının sədri Araz Əlizadə və Bütöv Azərbaycan Xalq Cəbhəsi Partiyasının rəhbəri Qüdrət Həsənquliyevdir.

 

Bir sıra müxalif qüvvələr isə seçkilərin azad və ədalətli keçirilməsindən ötrü şəraitin olmadığını bəyan edərək onu boykot ediblər.///meydan.tv

 

Sayt haqqında

"Kütləvi informasiya vasitələri haqqında Azərbaycan Respublikasının Qanunu"na əsasən KİV qanunla qadağan olunmuş mənbələr istisna olmaqla, istənilən vəsaitlər hesabına maliyyələşdirilə bilər (Maddə 6-1), KİV üzərində dövlət senzurasına, habelə bu məqsədlə xüsusi dövlət orqanlarının və ya vəzifələrin yaradılmasına və maliyyələşdirilməsinə yol verilmir (Maddə 7), KİV cəmiyyətdəki iqtisadi, siyasi, ictimai və sosial durum haqqında, dövlət orqanlarının, bələdiyyələrin, idarə, müəssisə və təşkilatların, ictimai birliklərin, siyasi partiyaların, vəzifəli şəxslərin fəaliyyəti barədə operativ və doğru-dürüst məlumatlar almaq hüququna malikdirlər (Maddə 8)

ULU YOL xəbər agentliyi 2015
Təsisçi və Baş redaktor:   Saday Fərəcov
Tel:                    +994 70 215 78 15
E mail:                    uluyol.info@mail.ru
Hazırladı: Vüsal Əli

Fatal error: [] operator not supported for strings in /home/uluyol/public_html/index.php on line 300