Elkaponi Rəsul Quliyev və Hüseyn Abdullayevlə nəyi müzakirə edib? SEÇKİ PLANI

 

Uzun illər görünməyən Frenk Elkponi adı ilə tanınmış iş adamı Füzuli Məmmədovun birdən-birə Azərbaycanda zühur etməsi yəqin çoxlarının təəccübünə səbəb oldu.

Aprel hadisələrindən sonra saytımız vasitəsilə guya Cocuq Mərcanlıya 3 milyon manat ayıracağını bəyan edən iş adamı sözünün üstündə durmadı.

Məsələ ilə bağlı apardığımız araşdırmalardan sonra məlum oldu ki, Füzuli Məmmədovun Cocuq Mərcanlı söhbəti yalan imiş. Ancaq iş adamının bunun ardınca Qarabağ qazilərinə mənzillər hədiyyə etməsi alqışlanmalıdır və biz bunu təqdir edirik.

AFN xəbər verir ki, modern.az-a Frenk Elkaponi ilə bağlı başqa bir məlumat da daxil olub. "Bu məlumatın bizdən öncə yuxarı dairələrə sızdığı barədə də informasiyalar var" - deyə sayt yazır.

Məsələ qarşıdan gələn seçkilərlə bağlı Elkaponinin Almaniyada yaşayan sabiq deputat, siyasətə qoşulmuş bəstəkar Hüseyn Abdullayev, Amerikada yaşayan eks-spiker Rəsul Quliyevlə qurduğu əlaqələrlə bağlıdır.

Sən demə, üçlük prezident seçkilərinin aprel ayında keçiriləcəyini ağıllarına belə gətirməyib. Ona görə də bütün əlaqələr, hesablamalar payıza ölçülübmüş.

Növbədənkənar seçkilərin elan edilməsi Elkaponinin bütün planlarını alt-üst edib. Ona görə o, tələm-tələsik Hüseyn Abdullayev və Rəsul Quliyevlə olan əlaqələrini ört-basdır etmək üçün ciddi fəaliyyətə keçib.

Yadınızdadırsa, Elkaponi hələ 2017-ci ilin oktyabrında Azərbaycanda 2018-ci ildə keçiriləcək prezident seçkilərində iştirak etmək arzusunu bəyan etmişdi.

O, Facebook sosial şəbəkəsində "Azərbaycandakı prezident seçkilərində siz öz səsinizi kimə verəcəksiniz" sualı ilə keçirilən onlayn-səsvermədə öz naizədliyini də irəli sürmüşdü. Hətta bununla bağlı öz hesabında paylaşım da etmişdi.

Aldığımız məlumata görə, Füzuli Məmmədovun bu cür addımları Azərbaycan hakimiyyətinin yuxarı dairələrində ciddi şəkildə müzakirə olunub. O, yenidən "arzuolunmaz adam” statusu alıb. Hakimiyyət nümayəndələrinə isə tezliklə onunla bütün əlaqələri kəsmək göstərişi verilib.

P.S. Məsələ ilə bağlı Elkaponin mövqeyini öyrənmək istəsək də, bu cəhdimiz baş tutmadı.

Sayt haqqında

"Kütləvi informasiya vasitələri haqqında Azərbaycan Respublikasının Qanunu"na əsasən KİV qanunla qadağan olunmuş mənbələr istisna olmaqla, istənilən vəsaitlər hesabına maliyyələşdirilə bilər (Maddə 6-1), KİV üzərində dövlət senzurasına, habelə bu məqsədlə xüsusi dövlət orqanlarının və ya vəzifələrin yaradılmasına və maliyyələşdirilməsinə yol verilmir (Maddə 7), KİV cəmiyyətdəki iqtisadi, siyasi, ictimai və sosial durum haqqında, dövlət orqanlarının, bələdiyyələrin, idarə, müəssisə və təşkilatların, ictimai birliklərin, siyasi partiyaların, vəzifəli şəxslərin fəaliyyəti barədə operativ və doğru-dürüst məlumatlar almaq hüququna malikdirlər (Maddə 8)

ULU YOL xəbər agentliyi 2015
Təsisçi və Baş redaktor:   Saday Fərəcov
Tel:                    +994 70 215 78 15
E mail:                    uluyol.info@mail.ru
Hazırladı: Vüsal Əli

Fatal error: [] operator not supported for strings in /home/uluyol/public_html/index.php on line 300