Gürcüstan sərhədində nəzarət gücləndirildi - Yeni qayda

 

Gürcüstanda sərhəd keçid məntəqələrində fitosanitar və baytarlıq nəzarəti sərtləşdirilib.

APA-nın xəbərinə əsasən, bu barədə Gürcüstanın Milli Qida Agentliyi məlumat yayıb.

Gürcüstanda istehlak bazarının mühafizəsi və idxal olunan qida məhsullarının təhlükəsizlik standartlarını təmin etmək məqsədilə hökumətin müvafiq qərarlarına dəyişikliklər edilib. Dəyişikliklərə əsasən, ölkəyə idxal olunan qida məhsullarının mənşəyi ilə bağlı şübhə yaranarsa, laboratoriya analizləri başa çatmayana qədər onların reallaşdırılmasına icazə verilməyəcək. Həmin məhsulların sahibləri onları digər məhsullardan ayıraraq gömrük anbarına yerləşdirməli olacaqlar.

Bu vaxta qədər qadağan olunmuş və arzuolunmaz maddələrin aşkar olunması məqsədilə sərhəd keçid məntəqələrində nümunələr üzrə laboratoriya analizi aparılıb. Lakin nəticələr məlum olmayana qədər məhsulların sahibləri onların satışını həyata keçirə bilib. Şübhəli qida məhsulları sərbəst dövriyyədə çətinliklə müəyyən olunduğundan onlar insanların həyat və sağlamlığı üçün təhlükə yaradıb.

Digər yeni qaydaya əsasən, idxal olunmuş məhsulda il ərzində 2 dəfə patogen mikroorqanizmlər müəyyən olunarsa, konkret istehsalçıdan həmin məhsulun idxalı 1 il müddətinə dayandırılacaq.

 

Sayt haqqında

"Kütləvi informasiya vasitələri haqqında Azərbaycan Respublikasının Qanunu"na əsasən KİV qanunla qadağan olunmuş mənbələr istisna olmaqla, istənilən vəsaitlər hesabına maliyyələşdirilə bilər (Maddə 6-1), KİV üzərində dövlət senzurasına, habelə bu məqsədlə xüsusi dövlət orqanlarının və ya vəzifələrin yaradılmasına və maliyyələşdirilməsinə yol verilmir (Maddə 7), KİV cəmiyyətdəki iqtisadi, siyasi, ictimai və sosial durum haqqında, dövlət orqanlarının, bələdiyyələrin, idarə, müəssisə və təşkilatların, ictimai birliklərin, siyasi partiyaların, vəzifəli şəxslərin fəaliyyəti barədə operativ və doğru-dürüst məlumatlar almaq hüququna malikdirlər (Maddə 8)

ULU YOL xəbər agentliyi 2015
Təsisçi və Baş redaktor:   Saday Fərəcov
Tel:                    +994 70 215 78 15
E mail:                    uluyol.info@mail.ru
Hazırladı: Vüsal Əli

Fatal error: [] operator not supported for strings in /home/uluyol/public_html/index.php on line 300