Müsavat Partiyası İTV-dən efir vaxtı istədi

 

Müsavat Partiyası İctimai Televiziyada efir vaxtının ayrılması üçünİctimai Televiziya və Radio Yayımları Şirkətinin (İTV) baş direktoru Cəmil Quliyevə rəsmi məktubla müraciət edib.

Bu haqda "Basta”ya Müsavatın mətbuat xidmətindən məlumat verilib.

Partiyanın başqanı Arif Hacılının imzası ilə göndərilən məktubda qeyd edilir ki, İTV siyasi partiyalara efir vaxtı ayırmağa borcludur.

"İctimai Televiziya və Radio Yayımı Haqqında Qanun”a əsasən ictimai televiziya və radio yayımının məqsədi Azərbaycan Respublikası əhalisinin – bütövlükdə cəmiyyətin, habelə onun ayrı-ayrı təbəqələrinin sosial, elm, təhsil, mədəniyyət, əyləncə və digər sahələrdəki ümumi maraqlarını təmin etməyə, söz və fikir azadlığını, müxtəlif baxış və əqidələri əks etdirməyə yönəlmiş, doğru məzmunlu, tarazlaşdırılmış informasiyalar hazırlamaq, bu informasiyaları müasir texniki və keyfiyyət standartlarına uyğun şəkildə yayımlamaq və müstəqillik, plüralizm və dözümlülük prinsipləri əsasında fəaliyyət göstərməkdir. İctimai yayımçının əsas vəzifəsi ölkədə və dünyada baş verən mühüm hadisələr, dövlət orqanlarının, bələdiyyələrin, siyasi partiyaların, ictimai birliklərin, dini qurumların və kommersiya təşkilatlarının fəaliyyəti barədə vətəndaşların qərəzsiz və tarazlaşdırılmış informasiya almaq hüququnun həyata keçirilməsi, hazırlanıb efirə verilən proqramlarda vətəndaşların öz fikirlərini bildirməsi üçün bərabər imkanlar yaradılmasıdır”, – məktubda bildirilir.

Yuxarıda göstərilənlərə və qanunvericiliyə əsaslanan Arif Hacılı İTV rəhbərliyindən Müavat Partiyası üçün həftədə bir dəfə 30 dəqiqəlik efir vaxtının ayrılmasını istəyib.

 


 

Sayt haqqında

"Kütləvi informasiya vasitələri haqqında Azərbaycan Respublikasının Qanunu"na əsasən KİV qanunla qadağan olunmuş mənbələr istisna olmaqla, istənilən vəsaitlər hesabına maliyyələşdirilə bilər (Maddə 6-1), KİV üzərində dövlət senzurasına, habelə bu məqsədlə xüsusi dövlət orqanlarının və ya vəzifələrin yaradılmasına və maliyyələşdirilməsinə yol verilmir (Maddə 7), KİV cəmiyyətdəki iqtisadi, siyasi, ictimai və sosial durum haqqında, dövlət orqanlarının, bələdiyyələrin, idarə, müəssisə və təşkilatların, ictimai birliklərin, siyasi partiyaların, vəzifəli şəxslərin fəaliyyəti barədə operativ və doğru-dürüst məlumatlar almaq hüququna malikdirlər (Maddə 8)

ULU YOL xəbər agentliyi 2015
Təsisçi və Baş redaktor:   Saday Fərəcov
Tel:                    +994 70 215 78 15
E mail:                    uluyol.info@mail.ru
Hazırladı: Vüsal Əli

Fatal error: [] operator not supported for strings in /home/uluyol/public_html/index.php on line 300