Sudan səfirliyindən Sevakin adası ilə bağlı rəsmi açıqlama

 

Türkiyə ilə imzalanan Sevakin adası müqaviləsi ərəb ölkələrinin təhlükəsizliyinə təhdid təşkil etmir.

 

Avropa.info xəbər verir ki, bu açıqlama ilə Sudanın Ər-Riyaddakı səfirliyinin mətbuat xidmətinin nümayəndəsi Əl-Mutez Əhməd İbrahim çıxış edib. Səfirlik rəsmisi Türkiyə prezidenti Ərdoğanın Sudana səfəri zamanı Sevakin adasındakı limanın icarəyə götürülməsi ilə bağlı əldə olunan anlaşmanın ərəb ölkələrinin təhlükəsizliyinə təhlükə yaratmadığını və bunun Misir-Sudan arasındakı Halayib və Şelatin məsələsindəki mübahisə ilə əlaqəli olmadığını bildirib.

İbrahim Səudiyyə Ərəbistanın "Ukkaz” qəzetində dərc olunan "Xartum Sevakini Ankaraya verir. Sudan Türkiyəyə bağlanır” adlı məqalədə işlədilən ifadələrin Sudana, ölkə nüfuzuna və bəzi ölkələrlə əlaqə qurmaq hüququna qarşı təhqiramiz məna daşıdığını qeyd edib.

"Ukkaz” qəzetində istifadə olunan "Türkiyənin Afrika tamahı” ifadəsini tənqid edən İbrahim bu sözləri deyib:

"Qəzet xəbərdə "Reuters” və Fransanın AFP agentliyini mənbə kimi göstərir. Bəhs edilən agentliklərdə gedən xəbərin məzmununu təhlil etdim, ancaq "tamah” sözünü göstərən hər hansı ifadə, yaxud ərəblərin beynəlxalq təhlükəsizliyini təhdid edən hər hansı bir hal görə bilmədim” – o, belə deyib.

İbrahim Sudanın xalqın mənafeyini nəzərə alaraq qurulan xarici əlaqələrdə diqqətli olduğunu bildirərək "Sevakin Sudanın əlindədir, başqa birinin deyil” deyib.

Qeyd edək ki, Səudiyyə Ərəbistanı qəzeti Türkiyənin Afrikaya tamah saldığını, dəniz yolları ilə böyümək istədiyini yazmışdı.

Xatırladaq ki, Sudan hökuməti Sevakin adasını Türkiyəyə gəmilərin təmir bazası yaradılması üçün icarəyə verib.

 

Sayt haqqında

"Kütləvi informasiya vasitələri haqqında Azərbaycan Respublikasının Qanunu"na əsasən KİV qanunla qadağan olunmuş mənbələr istisna olmaqla, istənilən vəsaitlər hesabına maliyyələşdirilə bilər (Maddə 6-1), KİV üzərində dövlət senzurasına, habelə bu məqsədlə xüsusi dövlət orqanlarının və ya vəzifələrin yaradılmasına və maliyyələşdirilməsinə yol verilmir (Maddə 7), KİV cəmiyyətdəki iqtisadi, siyasi, ictimai və sosial durum haqqında, dövlət orqanlarının, bələdiyyələrin, idarə, müəssisə və təşkilatların, ictimai birliklərin, siyasi partiyaların, vəzifəli şəxslərin fəaliyyəti barədə operativ və doğru-dürüst məlumatlar almaq hüququna malikdirlər (Maddə 8)

ULU YOL xəbər agentliyi 2015
Təsisçi və Baş redaktor:   Saday Fərəcov
Tel:                    +994 70 215 78 15
E mail:                    uluyol.info@mail.ru
Hazırladı: Vüsal Əli

Fatal error: [] operator not supported for strings in /home/uluyol/public_html/index.php on line 300