Bakıda "Etnik, milli fərqliliklər və birgəyaşayış" adlı konfrans keçirildi-FOTOLAR


Dekabrın 26-da Bakının Astoriya Hotelində Borçalı Cəmiyyətinin təşəbbüsü ilə "Etnik, milli fərqliliklər və birgəyaşayış" adlı elmi-praktik konfrans keçirildi. " Birgəyaşayışın bir yolu var- Bir birini anlamaq, bir birinin dilinə, dininə, mədəniyyətinə, təhsilinə və ləyaqətinə hörmət!" devizi ilə keçirilən bu konfransda Türkiyə, Gürcüstan, Vətənimizin Güneyindən və Quzeyindən olan mütəxəssislər öz fikirlərini bölüşüblər.

Konfransı giriş sözü ilə açan Borçalı Cəmiyyətinin sədri Zəlimxan Məmmədlinin qısa nitqindən sonra son günlər dünyasını dəyişmiş görkəmli filosof Camal Mustafayevin, eləcə də Türkiyə, Azərbaycan və Gürcüstanın ərazi bütövlüyü uğrunda şəhid olanların xatirəsi bir dəqiqəlik sükutla yad edilib. Sonra məruzələr eşidilib. Azərbaycanın Gürcüstandakı ilk səfiri olmuş Hacan Hacısoy "Gürcüstan-Azərbaycan- Türkiyə münasibətlırinin bu günü və perspektivləri", Elazıq Universitetinin professoru Ahmet Buran "Dilin millətlər üçün önəm", tarix üzrə fəlsəfə doktoru Əsəd Əliyev "Xalqların maddi mədəniyyətinin birgəyaşayışda rolu", AMEA nın Cənubi Azərbaycan şöbəsinin müdiri, doktor Səməd Bayramzadə " Şərqşünaslıq institutunda Cənubi Azərbaycana dair tədqiqatlar", Güney Azərbaycandan tədqiqatçı alimlər Əli Xalxali "Sulduz ənənələri", Seyid Muhəmməd Çavuşian "Quranda plüralizm anlayışı", Muhəmməd Komicani " İranın mərkəzində Borçalı türk varlığı", Əşrəf Bozçalı "Borçalı eli və mühacirlik", İsfəndiyar Sepehriniya "Qarapapaqların novruz ənənəsi", isfəndiyar Hacilu " İranda qarapapaq türkləri bu gün" mövzusunda məruzələrini iştirakçılara təqdim etdilər. Borçalı Cəmiyyətinin sədri Zəlimxan Məmmədlinin Borçalı Cəmiyyətinin Gürcüstan-Azərbaycan münasibətlırinin inkişafındakı yeri haqda məruzəsi də maraqla dinlənildi.

Məruzələr ətrafında Türkiyənin tanınmış media təmsilçiləri Yusuf Ziya Comert, Ömür Lekesiz, Gürcüstan Parlamentinin sabiq deputatı Ramiz Bəkirov, Təbrizli şair Əmni Rəuf və başqalarının çıxışları da konfransda diqqətlə izlənilib. Konfrans el ağsaqqalları Zahid Ələmpaşalı və Osman Əhmədoğlunun çıxışları ilə sona çatıb.


 
ULUYOL.AZ
MƏTNDƏ SƏHV TAPMISINIZ?

Maus ilə səhvi işarə et , CTRL+ENTER düymələrinə toxun
Səhvi açılmış pəncərədən bizə yollayın

Şərhlər:0

ДОБАВИТЬ КОММЕНТАРИЙ

Введите код:*
yenilə, əgər kod görünmürsə

Sayt haqqında

"Kütləvi informasiya vasitələri haqqında Azərbaycan Respublikasının Qanunu"na əsasən KİV qanunla qadağan olunmuş mənbələr istisna olmaqla, istənilən vəsaitlər hesabına maliyyələşdirilə bilər (Maddə 6-1), KİV üzərində dövlət senzurasına, habelə bu məqsədlə xüsusi dövlət orqanlarının və ya vəzifələrin yaradılmasına və maliyyələşdirilməsinə yol verilmir (Maddə 7), KİV cəmiyyətdəki iqtisadi, siyasi, ictimai və sosial durum haqqında, dövlət orqanlarının, bələdiyyələrin, idarə, müəssisə və təşkilatların, ictimai birliklərin, siyasi partiyaların, vəzifəli şəxslərin fəaliyyəti barədə operativ və doğru-dürüst məlumatlar almaq hüququna malikdirlər (Maddə 8)

ULU YOL xəbər agentliyi 2015
Təsisçi və Baş redaktor:   Saday Fərəcov
Tel:                    +994 70 215 78 15
E mail:                    uluyol.info@mail.ru
Hazırladı: Vüsal Əli

Fatal error: [] operator not supported for strings in /home/uluyol/public_html/index.php on line 300