Qurban Qurbanov: "Bütün futbolçularıma güvənirəm” - FOTOLAR


Çempionlar Liqasında qrup mərhələsinin son turunda sabah "Roma” ilə qarşılaşacaq "Qarabağ”ın baş məşqçisi Qurban Qurbanov oyun öncəsi mətbuat konfransında jurnalistlərin suallarını cavablandırıb.

Musavat.com xəbər verir ki, o, əvvəlcə matç barədə fikirlərini bildirib:

"Qrupda son oyunumuzdu. Nəticə baxımından razı olmasaq da, bu turnir bizim üçün böyük təcrübə oldu. Sabahkı oyunda da düzgün, ciddi mübarizə aparmağa çalışacağıq. Ola bilər ki, "Roma”nın şansı bu oyunla bağlı olsun. Futbolçular ən yaxşı oyunlarını göstərməyə çalışacaqlar. Çempionlar Liqasında hansı səviyyəyə çatdıqlarını göstərmək üçün böyük şans olacaq.

- Çempionlar Liqasında italyan məşqçilik məkbətinin iki dahisi ilə qarşılaşdız: Antonio Konte və Eysebio Di Françesko. Hansı sizə daha xoş təsir bağışladı?

- Hər ikisi haqqında ancaq xoş sözlər deyə bilərəm. İtaliya məşqçilik məktəbi ən güclülərdəndi. Hər ikisi fərqli üslublara üstünlük verirlər. Hərənin öz çətinlikləri və oyun sisteminin gözəllikləri var. Hər ikisi futbol üçün ayrı məktəblərdi. Konte ayrı, Di Françesko tam fərqli. "Çelsi”yə qarşı oynamaq necə çətindisə, "Roma”da elədi. "Çelsi”yə iki oyuna 6 qol vurdular. Bu, böyük göstəricidi.

- Sabahkı oyun formal xarakter daşıyır. "Qarabağ” meydana nə üçün çıxacaq?

- Bizim üçün son böyük oyundur. Ümumiyyətlə, futbolumuz üçün böyük təcrübədir. Nə qədər belə turnirlərdə çox iştirak etsək, futbolçularda inam da artacaq. Komanda daha yaxşı oyun göstərməyə çalışacaq. Buna da məcburuq. Böyük şansımız var ki, öz potensialımızı tam göstərək. Çünki təzyiq altında deyilik. Sona kimi mübarizə aparmağa və özümüzü ən yaxşı tərəfdən göstərməyə çalışacağıq.

- Böyük oyuna ciddi itkilərlə çıxacaqsız. Boşluqları necə doldurmağı planlaşdırırsız?

- Belə bir oyunda 3 əsas müdafiəçimizin olmaması böyük problemdi. Mövsümboyu heyətdə rotasiyalar edirik. Çalışırıq ki, hər bir futbolçumuzun oyun təcrübəsi olsun. Digər problemlərimiz də var. Pedro Enrike də oynamayacaq. Bütün futbolçularıma güvənirəm. Meydana kimin çıxmasından asılı olmayaraq, ən yaxşı oyunu göstərməyə çalışacaqlar.

- 5 turdan sonra aktivinizdə iki xal var. Sizin əvvəldən planlarınız necə idi? Daha çox xal ola bilərdimi, yoxsa mümkün olan budu?

- Real yanaşmaq lazımdı. Biz bu qrupa düşəndə hamının fikri o idi ki, xal toplaya bilməyək. İlk böyük məğlubiyyətdən sonra futbolçular daha uğurlu oynamağa başladılar,m"Atletiko”dan 2 xal ala bildik. 1 xal da qazanırıqsa, bu bizim qazancımızdı. 2 xal yaxşıdı, daha çox olsa, lap yaxşı. "Böyük beşlik” ölkələrinin komandalarının Bakıya gəlməsinin özü böyük uğurdu. Həm "Qarabağ”, həm də Azərbaycan futbolu, azarkeşklərimiz böyük təcrübə qazandı. Böyük futbolun, böyük futbolçuların nə olduğunu gördülər. Bəzi problemlərimiz olmasaydı, daha yaxşı nəticə qazana bilərdik.

- "Roma” ilə ilk oyunda qələbə də qazana bilərdiz. Rəqibin baş məşqçisi demişdi ki, bizdə həmin matçdan sonra bizdə inam artdı. Bəs həmin oyundan sonra "Qarabağ”da nələr dəyişib?

- Bu komandanı daha yaxından tanıdıq. Uduzsaq da, matçın əksər hissəsini yüksək səviyyədə keçirdik. Komanda özünəinam qazandı. Bakıdakı ilk Çempionlar Liqası oyunu idi və həyəcan var idi. Artıq komanda həmin həyəcanı müəyyən qədər üstündən ata bilib. Belə oyunlardan sonra futbolçuların meydanda sərbəst olması vacibdir. Bunu artıq hiss edirəm. Xeyli inamlıdılar və özlərini daha sərbəst hiss edirlər.

- Artıq milli komandada vəzifənizin icrasına başlamısız. Toplanış üçün rəqib axtarışı başlanıbmı? Bir də köməkçiləriniz və aşağı yaş komandalarına baş məşqçilər müəyyənləşibmi?

- Burda milli komanda haqda çox danışmaq istəmirəm. Rəqib axtarışı gedir. Yanvarda ilk toplanış olacaq. Mütləq oynamaq istəyirik. Ölkədaxili yarışlarda fasilə yaranmasını gözləyirik. Hələ dəqiq heç nəyi bilmirik. Çox düşünmək lazımdı. İş gedir. Az da olsa, milliyə vaxt ayırıram.

- Futbol ictimaiyyətində belə fikirlər var ki, Avropa Liqasında böyük hədəflər uğrunda yarışmaq Çempionlar Liqasında uğursuz olmaqdan yaxşıdır. Sizin buna münasibətiniz necədir?

- Ümumən bizim qarşımıza qoyulan hədəf ölkə çempionatında qalib olmaqdı. Belə olanda Çempionlar liqasında yarışırıq. Hədəfimiz daha yuxarı yarışdı. Alınmasa, minimumu əldə etmək üçün çalışırıq. Məncə, hamı razı olar ki, indi Çempionlar Liqasında uğursuz olsaq da, gələcəkdə daha çox fayda görək. Avropa Liqasında isə əksinə ola bilər. Amma o turnir də çox yüksək səviyyədədi. Həmişə daha yuxarı səviyyəli yarışı düşünürük. Belə yanaşmamalıyıq ki, bu il Çempionlar Liqasında qrupa düşdük, artıq yalnız buna çalışmamalıyıq.

Məhəmməd Türkmən, musavat.com


 


MƏTNDƏ SƏHV TAPMISINIZ?

Maus ilə səhvi işarə et , CTRL+ENTER düymələrinə toxun
Səhvi açılmış pəncərədən bizə yollayın

Şərhlər:0

ДОБАВИТЬ КОММЕНТАРИЙ

Введите код:*
yenilə, əgər kod görünmürsə

Sayt haqqında

"Kütləvi informasiya vasitələri haqqında Azərbaycan Respublikasının Qanunu"na əsasən KİV qanunla qadağan olunmuş mənbələr istisna olmaqla, istənilən vəsaitlər hesabına maliyyələşdirilə bilər (Maddə 6-1), KİV üzərində dövlət senzurasına, habelə bu məqsədlə xüsusi dövlət orqanlarının və ya vəzifələrin yaradılmasına və maliyyələşdirilməsinə yol verilmir (Maddə 7), KİV cəmiyyətdəki iqtisadi, siyasi, ictimai və sosial durum haqqında, dövlət orqanlarının, bələdiyyələrin, idarə, müəssisə və təşkilatların, ictimai birliklərin, siyasi partiyaların, vəzifəli şəxslərin fəaliyyəti barədə operativ və doğru-dürüst məlumatlar almaq hüququna malikdirlər (Maddə 8)

ULU YOL xəbər agentliyi 2015
Təsisçi və Baş redaktor:   Saday Fərəcov
Tel:                    +994 70 215 78 15
E mail:                    uluyol.info@mail.ru
Hazırladı: Vüsal Əli

Fatal error: [] operator not supported for strings in /home/uluyol/public_html/index.php on line 300