Ərzaq bahalaşmasının qarşısını necə alaq?- Deputatlardan təklif

 

Son vaxtlar Azərbaycanda ərzaq məhsullarının bahalaşması müşahidə edilir. Qiymət artımı idxal olunan ərzaq məhsullarında özünü daha qabarıq şəkildə göstərir. Ölkədə fevral ayından bəri manatın məzənnəsi stabil qalır. Amma buna baxmayaraq, istehlak bazarında qiymət artımları baş verir. Mütəxəssislər isə dəfələrlə bildiriblər ki, bahalaşmanın iqtisadi əsasları yoxdur.

Son vaxtlar ən çox qiymət artımı kərə yağı və ətdə özünü göstərib.

Qiymət artımı ilə bağlı dəfələrlə dövlət orqanları qarşısında məsələ qaldırılıb. Hətta Milli Məclisin iclaslarında bəzi deputatlar ərzaq mallarının bahalaşmasına etirazlarını bildiriblər. Hələ ki bahalaşmanın çarəsi tapılmır...

Dövlət Statistika Komitəsinin məlumatına əsasən, 2017-ci ilin yanvar-oktyabr aylarında ərzaq məhsullarının qiymətləri 2016-cı ilin müvafiq dövrünə nisbətən 17,6 faiz artıb.

Cari ilin oktyabr ayında sentyabr ayına nisbətən ərzaq məhsullarının qiymətləri 2,3 faiz qalxıb.

"Qafqazinfo” xəbər verir ki, Modern.az bir neçə deputatdan istehlak bazarındakı vəziyyətə münasibət öyrənib.

Asim Mollazadə qeyd edib ki, bazar iqtisadiyyatına uyğun və anti – monopolist qanunlar qəbul edilməlidir ki, qiymətlər hansısa inzibati üsulla yox, bazar iqtisadiyyatına uyğun üsullarla tənzimlənsin.

"Nə qədər sahibkarların imkanlarında sərbəstlik olacaqsa, bu qiymətlərin aşağı düşməyinə öz təsirini göstərəcək. İnzibati üsullarla qiymətlər sovet sosialist iqtisadiyyatında müəyyənləşə bilər. Biz isə rəqabət olan bir iqtisadi sistem formalaşdırmalıyıq. Rəqabət Məcəlləsinin qəbulunu vacib sayıram. Hesab edirəm ki, Rəqabət Məcəlləsinin qəbul olunması məhz sahibkarın xeyrinə olar. Çox təəssüflər olsun ki, bu məcəllənin qəbulu ləngiyir. Mənə elə gəlir ki, məhz real bazar iqtisadiyyatı da rəqabətin mövcud olduğu mühitdə formalaşır”.

Vahid Əhmədov deyib ki, möhtəkirlər hazırda Yeni ilin gəlməsini bəhanə edib, qiymətləri qaldırırlar.
"Qarşıdan Yeni il gəldiyi üçün bundan istifadə edəcəklər. Hətta ola bilər ki, bahalaşma da baş versin. İqtisadiyyat Nazirliyinin müvafiq departamenti çalışır ki, qiymətləri stabil saxlasın. Kənd Təsərrüfatı Nazirliyi müəyyən yarmarkalar keçirir ki, qiymət artımının qarşısını alsınlar. Qiymət artımın qarşısının alınması üçün qiymət siyasəti olmalıdır. Bununla bağlı xüsusi "Yol Xəritəsi” hazırlanmalıdır. Sahibkarlar da nəzərə almalıdır ki, qiymətləri qaldırmaq elə də böyük əhəməyyət kəsb etmir. Qiyməti qaldırmaq bir tərəfdən sahibkara xeyir verirsə, digər tərəfdən ziyan vurur. Çünki qiyməti qaldıranda alıcılıq qabiliyyəti aşağı düşür. Onlar bilməlidirlər ki, qiymətləri qaldırmaq əhalinin maliyyə vəziyyətinə öz təsirini göstərir. Xaricdə istehsal olunan bir sıra məhsullar var ki, ona Azərbaycanda tələbat çoxdur. Xaricdən gətirilən həmin məhsulların dövlət rüsumunu aşağı salmaqla qiymətləri stabilləşdirmək olar”.

Fazil Mustafa vətəndaşın vəziyyətini ağırlaşdıracaq hərəkətlərə yol verməməyə çağırıb:

"İnflyasiyanın artması, maaşların lazımi səviyyədə olmaması əhalini çox çətin vəziyyətə qoyub. İnflyasiyanın artım sürətinə görə qiymətlər tənzimlənməlidir. Vətəndaşın əmək haqqı, pensiya xərclərinin qaldırılması vacibdir. Lazımsız xərcləri bir qədər azaldaraq daha çox vətəndaşın rifahına yönəlik addımların atılması, məşğulluğun təmin olunması vacibdir”.

 

MƏTNDƏ SƏHV TAPMISINIZ?

Maus ilə səhvi işarə et , CTRL+ENTER düymələrinə toxun
Səhvi açılmış pəncərədən bizə yollayın

Şərhlər:0

ДОБАВИТЬ КОММЕНТАРИЙ

Введите код:*
yenilə, əgər kod görünmürsə

Sayt haqqında

"Kütləvi informasiya vasitələri haqqında Azərbaycan Respublikasının Qanunu"na əsasən KİV qanunla qadağan olunmuş mənbələr istisna olmaqla, istənilən vəsaitlər hesabına maliyyələşdirilə bilər (Maddə 6-1), KİV üzərində dövlət senzurasına, habelə bu məqsədlə xüsusi dövlət orqanlarının və ya vəzifələrin yaradılmasına və maliyyələşdirilməsinə yol verilmir (Maddə 7), KİV cəmiyyətdəki iqtisadi, siyasi, ictimai və sosial durum haqqında, dövlət orqanlarının, bələdiyyələrin, idarə, müəssisə və təşkilatların, ictimai birliklərin, siyasi partiyaların, vəzifəli şəxslərin fəaliyyəti barədə operativ və doğru-dürüst məlumatlar almaq hüququna malikdirlər (Maddə 8)

ULU YOL xəbər agentliyi 2015
Təsisçi və Baş redaktor:   Saday Fərəcov
Tel:                    +994 70 215 78 15
E mail:                    uluyol.info@mail.ru
Hazırladı: Vüsal Əli

Fatal error: [] operator not supported for strings in /home/uluyol/public_html/index.php on line 300