Bu sözləri uşaqlarınıza hər gün deyin –VALİDEYNLƏR OXUSUN

 

Uşaqlarınızın bağçaya, məktəbə getməzdən qabaq bilməsi vacib olan bəzi məqamlar var. Bu, onun zəka inkişafı və başqaları ilə əlaqə qurmasına yetəcək qədər özgüvəninin inkişafı üçün lazımdır. Bir uşağın sosial və duyğusal inkişafı onun fiziki inkişafı qədər əhəmiyyətlidir. Valideynlər uşaqlarının sosial və duyğusal inkişafına təsir edən onlara lazımi bacarıqları öyrədən faktorları bilmək məcburiyyətindədir. Ailem.az valideynlərin uşaqlarına hər gün söyləməli olduğu vacib sözləri diqqətinizə çatdırır.

 

Səni sevirəm

 

Günə uşağınızı sevdiyinizi söyləyərək başlayar, ya da kiçik yanaqlarını öpərək bunu göstərə bilərsiniz. Bu, sizə çox sadə görünə bilər, amma uşağınız üçün çox şey ifadə edir. Sizin sevginiz onu rahatladacaq.

 

Günün necə keçdi?

 

Bir valideyn olaraq, gündəlik hərəkətlərinə maraq göstərməyiniz olduqca əhəmiyyətlidir. Üstəlik kiçik yumorlarını duymaq hər zaman çox zövqlü olacaq.

 

Zəhmət olmasa

 

Uşağınızın yaxşı bir tərbiyəyə sahib olmasını istəyirsinizsə, bir şey istəməzdən əvvəl ona "xahiş edirəm”, "zəhmət olmasa” kəlməsini öyrədin.

 

Təşəkkür edirəm

 

Uşağınızın mədəni olmasını istəyirsinizsə, ona təşəkkür və xahiş etmənin əhəmiyyətini öyrətməlisiniz. Doğum günündə aldığı bir hədiyyəyə təşəkkür etmədən həyəcanla açdığını fərz edin və onu hər kəsin içində "təşəkkür etməli deyilsənmi?”, - deyə xəbərdarlıq etməkdən çəkinməyin. Bu, onu bir az utandıra bilər, amma fərqində olmağı öyrədəcək.

 

Əsla vaz keçmə

 

Böyüdüyü zaman hamımızın içində olduğu həyat yarışına o da qatılacaq. Buna görə ona çətinliklərin öhdəsindən gəlməyi öyrədin. Onlara hədəflərinə çatmaq söz mövzusu olduğunda əzm və səbr göstərmələri lazım olduğunu öyrədin. Həmçinin, birlikdə tapmaca və digər zəka oyunları oynaya bilərsiniz. Bu, uşağınızın zehnini dinc saxlamağa, eyni zamanda çətinliklərə sinə gərməyi öyrənməsinə kömək edəcək.

 

Sən qalib gəldin

 

Təşviq edici bir kəlmə hər zaman güvəni artırır. Əgər uşağınız bir yarışmanı qazanır, hətta başladığı puzzlı bitirirsə, ona hər zaman ”sən qalib gəldin!” deməlisiniz. Bu, uşağınızın uğurun dadını almasına kömək edəcək və qarşıda bir qalib olması üçün təşviq edəcək.

 

Çatanda mesaj göndər

 

Valideynlər uşaqlarının təhlükəsizliyi ilə bağlı hər zaman narahat olurlar. Bu, tamamilə təbiidir. Narahatlığınızın bir ürək tutmasına səbəb olmaması üçün uşağınıza bir cib telefonu almağınız daha məntiqli olar. Və əlbəttə gedəcəyi yerə çatdıqda "gəldim” deyə mesaj göndərməsini ona öyrədin.

 

Bu,sənin seçimindir

 

Uşaqlarınız böyüdükcə ona öz qərarları və doğuracağı nəticələrin öhdəliklərini almalı olduğunu öyrədin. Bir şey üzərində qərar vermələrini istədiyinizdə "bu, sənin seçimindir” deyin və özgüvən qazanmalarını təmin edin.

 

Dostları necədir?

 

Uşaqlarınızın ətrafında necə insanlar olduğunu, dostlarının kimlər olduğunu hər zaman bilin. Təsir altında qalması asandır bu yaşlarda, yaxşı, ya da pis xasiyyətlər götürməsində dostlarının payı böyükdür. Evinizdə məclislər qurub, uşağınızdan dostlarını dəvət etməsini istəyə bilərsiniz.

 

İsraf etmə

 

Uşaqlar sevdikləri şeyi yemək istəyirlər və bunlar adətən elə də sağlıqlı qidalar olmur. Bir valideyn olaraq yemək israfını qəbul etmədiyiniz mövzusunda sərt mövqedə olmalısınız. Bunun səbəblərini və ehtiyacı olan insanları anlatdığınızda uşağınız bunu başa düşəcək.

 

Həqiqəti söylə

 

Uşağınıza dürüstlüyün qiymətini öyrədin. Uşaqlar valideynlərindən sirlər gizlətməyə meylli olurlar. Ona hər zaman doğru söyləməyin önəmini anladın. Bunu öncəliklə özünüz yerinə yetirsəniz, sizinlə kiçik sirlərini bölüşmək üçün də daha həvəsli olarlar.

 

MƏTNDƏ SƏHV TAPMISINIZ?

Maus ilə səhvi işarə et , CTRL+ENTER düymələrinə toxun
Səhvi açılmış pəncərədən bizə yollayın

Şərhlər:0

ДОБАВИТЬ КОММЕНТАРИЙ

Введите код:*
yenilə, əgər kod görünmürsə

Sayt haqqında

"Kütləvi informasiya vasitələri haqqında Azərbaycan Respublikasının Qanunu"na əsasən KİV qanunla qadağan olunmuş mənbələr istisna olmaqla, istənilən vəsaitlər hesabına maliyyələşdirilə bilər (Maddə 6-1), KİV üzərində dövlət senzurasına, habelə bu məqsədlə xüsusi dövlət orqanlarının və ya vəzifələrin yaradılmasına və maliyyələşdirilməsinə yol verilmir (Maddə 7), KİV cəmiyyətdəki iqtisadi, siyasi, ictimai və sosial durum haqqında, dövlət orqanlarının, bələdiyyələrin, idarə, müəssisə və təşkilatların, ictimai birliklərin, siyasi partiyaların, vəzifəli şəxslərin fəaliyyəti barədə operativ və doğru-dürüst məlumatlar almaq hüququna malikdirlər (Maddə 8)

ULU YOL xəbər agentliyi 2015
Təsisçi və Baş redaktor:   Saday Fərəcov
Tel:                    +994 70 215 78 15
E mail:                    uluyol.info@mail.ru
Hazırladı: Vüsal Əli

Fatal error: [] operator not supported for strings in /home/uluyol/public_html/index.php on line 300