Ermənistanda polislə tələbələr arasında qarşıdurma başladı

 

Ermənistan parlamentinin qarşısında polislə tələbələr arasında qarşıdurma baş verib.

Musavat.com erməni mediasına istinadən xəbər verir ki, tələbələr hərbi xidmətdən möhlət hüququnun ləğvi barədə parlamentin bu gün qəbul etdiyi qanuna etiraz olaraq Ermənistan Milli Məclisinə doğru hərəkətə keçərkən polis müqaviməti ilə qarşılaşıblar.

Məlumata görə, gənclər əvvəlcə Dəmirçyan küçəsini bağlayıblar. Bundan sonra onlar Baqramyan küçəsindən parlamentin çıxışına doğru hərəkət ediblər və bu hissədə də hərəkəti məhdudlaşdırıblar. Bu zaman polis Baqramyan küçəsində yolu açmaq üçün hərəkətə keçib. İrəvan polisinin rəis müavini Valeriy Osipyan tələbələri Baqramyan küçəsindən çəkilməyə çağırıb. Rəis müavini tələbələrə yolu açmaq üçün 5 dəqiqə vaxt verib. Bildirib ki, vətəndaşların rahatlığını təmin etmək üçün hərəkətə keçməyə vadar olacaqlar. Tələbələrin geri çəkilmədiyini görən polis onların üzərinə yeriyib və qarşıdurma baş verib. Ancaq hələ ki, etirazçıların blokadasını yarıb yolu açmaq mümkün olmayıb. Gərginlik davam edir.

 

Sayt haqqında

"Kütləvi informasiya vasitələri haqqında Azərbaycan Respublikasının Qanunu"na əsasən KİV qanunla qadağan olunmuş mənbələr istisna olmaqla, istənilən vəsaitlər hesabına maliyyələşdirilə bilər (Maddə 6-1), KİV üzərində dövlət senzurasına, habelə bu məqsədlə xüsusi dövlət orqanlarının və ya vəzifələrin yaradılmasına və maliyyələşdirilməsinə yol verilmir (Maddə 7), KİV cəmiyyətdəki iqtisadi, siyasi, ictimai və sosial durum haqqında, dövlət orqanlarının, bələdiyyələrin, idarə, müəssisə və təşkilatların, ictimai birliklərin, siyasi partiyaların, vəzifəli şəxslərin fəaliyyəti barədə operativ və doğru-dürüst məlumatlar almaq hüququna malikdirlər (Maddə 8)

ULU YOL xəbər agentliyi 2015
Təsisçi və Baş redaktor:   Saday Fərəcov
Tel:                    +994 70 215 78 15
E mail:                    uluyol.info@mail.ru
Hazırladı: Vüsal Əli

Fatal error: [] operator not supported for strings in /home/uluyol/public_html/index.php on line 300