Əfqan Muxtarlıya təzyiqlər davam edir

Əfqan Muxtarlı onu "Pavel Şeremet jurnalist mükafatı”na layiq görən hər kəsə təşəkkürünü bildirib.

Bu haqda "Basta”ya bu gün onunla 1 saylı Bakı İstintaq Təcridxanasında görüşən vəkil Nemət Kərimli məlumat verib. Qeyd edək ki, Şərq Tərəfdaşlığı Vətəndaş Cəmiyyəti Forumu həbsdə olan azərbaycanlı jurnalist Əfqan Muxtarlını "Pavel Şeremet jurnalist mükafatı-2017″in qalibi elan edib.

Vəkil bildirib ki, həbsxanada Əfqan Muxtarlıya qarşı təzyiqlər və qanunsuz məhdudiyyətlər davam edir.

"Təcridxananın əməkdaşları növbəti dəfə qanunu pozaraq, mənim Əfqan Muxtarlı ilə söhbətimi pəncərədən izlədilər. Həmçinin görüş vaxtı yazdığım qeydləri oxumaq istədilər. Məsələ ilə bağlı yenidən Penitensiar Xidmətin rəhbərliyinə şikayət etdim”, – Nemət Kərimli bildirib.

Ə.Muxtarlı 2017-ci il mayın 29-da Tbilisidən müəmmalı şəraitdə Azərbaycana gətirilib. Ona qarşı Cinayət Məcəlləsinin üç maddəsi – 315 (güc tətbiq etməklə hakimiyyət nümayəndəsinə müqavimət göstərmək), 318.1 (sərhəddi qanunsuz keçmək) və 206.1 (qaçaqmalçılıq) ilə ittiham irəli sürülüb.

Əfqan Muxtarlı ittihamları qəbul etməyərək, həbsinin siyasi sifariş olduğunu bildirib.

Sayt haqqında

"Kütləvi informasiya vasitələri haqqında Azərbaycan Respublikasının Qanunu"na əsasən KİV qanunla qadağan olunmuş mənbələr istisna olmaqla, istənilən vəsaitlər hesabına maliyyələşdirilə bilər (Maddə 6-1), KİV üzərində dövlət senzurasına, habelə bu məqsədlə xüsusi dövlət orqanlarının və ya vəzifələrin yaradılmasına və maliyyələşdirilməsinə yol verilmir (Maddə 7), KİV cəmiyyətdəki iqtisadi, siyasi, ictimai və sosial durum haqqında, dövlət orqanlarının, bələdiyyələrin, idarə, müəssisə və təşkilatların, ictimai birliklərin, siyasi partiyaların, vəzifəli şəxslərin fəaliyyəti barədə operativ və doğru-dürüst məlumatlar almaq hüququna malikdirlər (Maddə 8)

ULU YOL xəbər agentliyi 2015
Təsisçi və Baş redaktor:   Saday Fərəcov
Tel:                    +994 70 215 78 15
E mail:                    uluyol.info@mail.ru
Hazırladı: Vüsal Əli

Fatal error: [] operator not supported for strings in /home/uluyol/public_html/index.php on line 300